नवी दिल्ली : कोट्यवधी भारतीयांची स्वप्ने घेऊन चंद्राकडे झेपावलेल्या "चांद्रयान-2'वरून पृथ्वीची काढलेली छायाचित्रे भारतीय अवकाश संशोधन संस्थेने (इस्रो) आज प्रसिद्ध केली.

"चांद्रयान-2'ने 22 जुलैला जीएसएलव्ही मार्क-3 या प्रक्षेपकाद्वारे अवकाशात उड्डाण केले होते. "चांद्रयान-2'वरील एल-14 या कॅमेराद्वारे पृथ्वीची छायाचित्रे घेण्यात आली आहेत. "चांद्रयान-2'च्या माध्यमातून चंद्राच्या अद्याप अज्ञात असलेल्या दक्षिण ध्रुवाची माहिती गोळा करण्याचा प्रयत्न केला जाणार आहे.