अमेठी : दोन दिवसांच्या अमेठी दौऱ्यावर असलेल्या काँग्रेस अध्यक्ष राहुल गांधी यांना शेतकऱ्यांच्या रोषाला सामोरे जावे लागले. यावेळी शेतकऱ्यांकडून राहुल गांधी इटलीला परत जा, अशा घोषणा देण्यात आला.

राहुल गांधी यांचा उत्तर प्रदेशातील अमेठी हा लोकसभा मतदारसंघ असून, आगामी लोकसभा निवडणुकीपूर्वी ते दोन दिवसांच्या अमेठी दौऱ्यावर आले आहेत. बुधवारी काही ठिकाणी त्यांचे स्वागत करण्यात आले, तर काही ठिकाणी त्यांना शेतकऱ्यांच्या रोषाला सामोरे जावे लागले. अमेठीतील गौरीगंज गावात राजीव गांधी फौंडेशनसाठी देण्यात आलेली जमीन परत द्या अन्यथा भविष्यनिर्वाह निधी म्हणून रक्कम द्या अशी मागणी शेतकऱ्यांकडून करण्यात आली. 

प्रदर्शन करणारे संजय सिंह म्हणाले, की राहुल गांधी यांच्याबद्दल मी खूप नाराज आहे. त्यांनी इटलीला पुन्हा निघून जावे. त्यांना इथे राहण्याचा काही अधिकार नाही. राहुल यांनी आमच्या जमिनी लाटल्या आहेत.