अहमदाबाद ः गुजरातमधील अहमदाबाद पूर्वचे काँग्रेसचे लोकसभा उमेदवार रोहन गुप्ता यांनी सोमवारी त्यांची उमेदवारी मागे घेतली आहे. ‘‘माझ्या वडिलांची प्रकृती गंभीर असून, त्यांना रुग्णालयात दाखल करण्यात आले आहे.

त्यामुळे मी माझी उमेदवारी मागे घेत आहे, मात्र काँग्रेसकडून या जागेवर ज्या कोणाला उमेदवारी देण्यात येईल त्यांना माझा पाठिंबा असेल,’’ असे गुप्ता यांनी एक्सच्या माध्यमातून सांगितले आहे. गुप्ता हे काँग्रेसचे राष्ट्रीय प्रवक्ते असून काँग्रेसने १२ मार्चला जाहीर केलेल्या उमेदवारांच्या यादीमध्ये गुप्ता यांचे नाव होते.