कोराना महामारीच्या दुसऱ्या लाटीचा प्रादुर्भाव दिवसागणिक वाढतच चालला आहे. दररोज वाढणारे कोरोना रुग्ण नवनवे विक्रम करत आहे. आरोग्य मंत्रालयानं दिलेल्या माहितीनुसार सोमवारी कोरोना रुग्णांच्या आकडेवारीनं एक लाखांचा टप्पा पार केला आहे. कोरोना महामारी भारताता आल्यानंतरची ही आतापर्यंतची सर्वात मोठी वाढ होती. गतवर्षी एका दिवसातील कोरोना रुग्णांची संख्या 97,894 इथपर्यंत पोहचली होती. मात्र, दुसऱ्यात कोरोनाचा प्रादुर्भाव जास्तच वेगानं होत आहे. महाराष्ट्रासह पंजाब, तामिळनाडू, मध्यप्रदेशसारख्या राज्यात कोरोनाचा प्रादुर्भाव वेगानं पसरत आहे. काही तज्ज्ञांच्या मते महाराष्ट्रात कोरोनाची तिसरी लाट आलेली आहे. 

आरोग्य मंत्रालयानं सोमवारी दिलेल्या माहितीनुसार, गेल्या २४ तासांत एक लाख ३ हजार ५५८ नवीन कोरोना रुग्ण आढळून आले आहेत. भारतातील ही आतापर्यंतची सर्वात मोठी वाढ आहे. गेल्या २४ तासांत ५३ हजार ८४७ जणांनी कोरोनावर मात केली आहे. तर ४७८ जणांचा मृत्यू झाला आहे.   देशात कोरोना रुग्णांची संख्या एक कोटी २५ लाख ८९ हजार ६७ इतकी झाली आहे. तर आतापर्यंत एक कोटी १६ लाख ८२ हजार १३६ जणांनी कोरोनावर मात केली. देशभरात सध्या सात लाख ४१ हजार ३० रुग्ण उपचाराधीन आहेत. तर एक लाख ६५  हजार १०१ रुग्णांचा मृत्यू झालाय.

देशात कोरोनाची दुसरी लाट आलेली असतानाच महाराष्ट्रात कोरोनाची तिसरी लाट आल्याचं तज्ज्ञांन सांगितलं. पुढील काही दिवसांत देशात कोरोना आधिकच आक्रळविक्राळ होईल, असेही काही तज्ज्ञांनी म्हटलेय. महाराष्ट्रात कोरोनाची वेग सर्वाधिक असून देशात आढळणाऱ्या कोरोना रुग्णांपैकी ६२ टक्के रुग्ण येथील आहेत. रविवारी महाराष्ट्रात ५७ हजारांपेक्षा जास्त कोरोना रुग्ण आढळले होते. महाराष्ट्रातील वाढत्या कोरोना रुग्णांवर आळा घालण्यासाठी ठाकेर सरकारनं विकेंड लॉकडाउनची घोषणा केली आहे.