हैद्राबाद- वायएसआर काँग्रेसचे अध्यक्ष जगनमोहन रेड्डी यांच्यावर आज चाकू हल्ला झाला आहे. या हल्यात ते जखमी झाले असून त्यांच्या हाताला दुखापत झाली आहे. विशाखापट्टणमच्या विमानतळावर त्यांच्यावर अज्ञातांनी हा हल्ला केला आहे.

रेड्डी यांच्यावर हल्ला करणाऱ्या व्यक्तीला पोलिसांनी ताब्यात घेतले असून त्याची रवानगी पोलिस कोठडीत करण्यात आली आहे. जगनमोहन रेड्डी हे विशाखापट्टणम विमानतळावरून हैद्राबादला रवाना होत होत होते त्यावेळी हा चाकूहल्ला करण्यात आला. विजयनगरम जिल्ह्यातील पदयात्रेचा कार्यक्रम आटोपून ते माघारी निघाले होते.

चाकूहल्ला करणारा व्यक्ती हा विमानतळाच्या खानावळीत कामाला असल्याची माहिती मिळाली आहे. तो सेल्फी काढण्याचा प्रयत्न करत रेड्डी यांच्या जवळ जाण्याचा प्रयत्न करत होता, असे प्रत्यक्षदर्शीनी सांगितले आहे.