पुरी : ओडिशामधील जगन्नाथपुरीची प्रसिद्ध जगन्नाथ यात्रा आज (ता. 4) सुरू झाली. युनेस्कोने जगन्नाथ यात्रेला जागतिक वारशाचा दर्जा दिला
आहे. या यात्रेत सहभागी होण्यासाठी जगभरातून भाविक येतात. ओडिशातील प्रसिद्ध वाळू शिल्पकार सुदर्शन पटनाईक यांनी भुवनेश्वरच्या समुद्र किनाऱ्यावर जगन्नाथ यात्रेचे वाळूशिल्प साकारले आहेत. 

रथयात्रेत भगवान जगन्नाथ यांच्या दशावतारांची पूजा केली जाते. जगन्नाथाचा प्रचंड मोठा रथ अनेक भाविक मिळून ओढतात. भारतासह परदेशातून जगन्नाथ यात्रेला भाविक येतात. जगन्नाथ यात्रा हा देशातील सर्वांत मोठ्या यांत्रांपैकी एक आहे.

राष्ट्रपती रामनाथ कोविंद यांनीही जगन्नाथ यात्रेनिमित्त शुभेच्छा दिल्या आहेत. तर पंतप्रधान नरेंद्र मोदी यांनीही यात्रेनिमित्त शुभेच्छा दिल्या.