नवी दिल्ली :  डान्सर सपना चौधरीने काँग्रेसमध्ये प्रवेश केला. त्यानंतर आता त्यांच्या या प्रवेशावरून आमदार सुरेंद्र सिंह यांनी वादग्रस्त वक्तव्य केले. ते म्हणाले, राजीव गांधी यांनी इटलीची डान्सर सोनिया गांधींना आपलेसे केले. आता राहुल गांधींनीही सपना चौधरीला आपलेसे करावे.

सुरेंद्र सिंह हे उत्तर प्रदेशातील रोहानिया विधानसभा मतदारसंघाचे प्रतिनिधित्त्व करत आहेत. सपना चौधरीच्या काँग्रेसप्रवेशावरून त्यांनी राहुल गांधी यांना उद्देशून वक्तव्य केले. ते म्हणाले, तुमची आई (सोनिया गांधी) यापूर्वी इटलीमध्ये अशाच व्यवसायात होती. त्यावेळी तुमच्या वडिलांनी (राजीव गांधी) सोनिया गांधी यांना आपले बनविले होते. आता तुम्हीही सपना चौधरीला आपलेसे करा. त्यामुळे यातील सर्वांत महत्त्वाची बाब हीच, की सासू आणि सूनही एकाच संस्कृतीमधील असतील, असे वक्तव्य केले.

तसेच ते पुढे म्हणाले, राहुल गांधी काँग्रेसच्या परंपेरला पुढे करत आहेत. ही चागंली बाब आहे. आता त्यांनी 'सपनाला अपना' बनवले. असेच राजकारण करा. मात्र, भारतातील जनत डान्सरला कधीही देश चालवण्याचा परवानगी देणार नाही. सपना चौधरी यांच्या काँग्रेस प्रवेशाने राजकारणात काहीही फरक पडणार नाही. 

दरम्यान, सपना चौधरी यांना आगामी लोकसभा निवडणुकीत भाजपच्या खासदार हेमा मालिनी यांच्याविरोधात उमेदवारी मिळण्याची शक्यता व्यक्त केली जात आहे.