नवी दिल्ली : माझ्यासमोर सध्या न्यू इंडिया उपस्थित आहे. युवा संसदेतून मुख्य संसदेत आल्याचे येथील उपस्थितांनी अभिमानाने सांगावे. युवा संसदेसाठी अनेक कल्पना सुचवाव्या. तरुणांची ऊर्जा ही नव्या भारताची ओळख आहे. नव्या भारताचे नवं चित्र पाहायला मिळत आहे, असे पंतप्रधान नरेंद्र मोदींनी म्हटले आहे.  

दिल्लीत आज (बुधवार) पंतप्रधान नरेंद्र मोदींच्या उपस्थितीत युवा संसद पुरस्कार सोहळा पार पडला. या कार्यक्रमात मोदी, मोदीच्या घोषणा देण्यात आल्या. तसेच भारत माता की जय, वंदे मातरम घोषणांनी विज्ञान भवन दणाणून गेले. भारताने पाकिस्तानमध्ये घुसून केलेल्या हल्ल्यानंतर मोदींनी देश सुरक्षित हातात असल्याचे म्हटले होते. 

मोदी म्हणाले, की आपल्या तोंडातून बाहेर पडणारा प्रत्येक शब्द योग्यजागी पोहचला पाहिजे. नव्या विचारांना प्रोत्साहन देणं हाच माझा स्वभाव आहे. तरूणांची ऊर्जा हीच भारताची ओळख हळूहळू सर्व गोष्टी समोर आणतो. समाजाला जोडण्याचे प्रयत्न सुरू आहेत.