SRH vs LSG : अभिषेक शर्माचे SRH साठी सर्वात वेगवान अर्धशतक; 10 षटकात लखनौचं आव्हान केलं पार

अभिषेक शर्माने 2 चेंडूत नाबाद 75 धावा ठोकल्या. त्याने 16 चेंडूत आपले अर्धशतक पूर्ण केलं. ट्रॅविस हेडने 30 चेंडूत 89 धावा चोपून लखनौच्या गोलंदाजांची खांडोळीच केली.

लखनौ सुपर जायंट्सचे 165 धावांचे आव्हान सनराईजर्स हैदराबादनं 9.4 षटकातच पार केलं. लखनौचा 10 विकेट्सनी पराभव करत हैदराबादने प्ले ऑफच्या दृष्टीकोणातून एक पाऊल पुढं टाकलं.

आयुष बदोनीने 30 चेंडूत नाबाद अर्धशतकी खेळी केली. तर निकोलस पूरननं 26 चेंडत नाबाद 48 धावा ठोकून लखनौला 20 षटकात 4 बाद 165 धावांपर्यंत मजल मारून दिली. या दोघांनी पाचव्या विकेटसाठी नाबाद 99 धावांची भागीदारी रचली.

लखनौ सुपर जायंट्सने 8 षटकात 2 बाद 45 धावा केल्या आहेत. केएल राहुल 25 चेंडूत 20 धावा करून खेळतोय. तर कृणाल पांड्या 13 चेंडूत 19 धावा करून खेळतोय. खेळपट्टी संथ असल्यानं धावा करणे अवघड जात आहे.

भुवनेश्वर कुमारने लखनौचा सलामीवीर क्विंटन डिकॉकला 2 धावांवर बाद केलं. यानंतर लखनौने 3 षटकात 15 धावा केल्या.

लखनौ सुपर जायंट्सने नाणेफेक जिंकून प्रथम फलंदाजी करण्याचा निर्णय घेतला आहे. लखनौच्या संंघात बदल करण्यात आले आहेत. क्विंटन डिकॉक परतला असून मोहसीन खानला प्लेईंग 11 मध्ये स्थान मिळालेलं नाही. पॅट कमिन्सनं देखील संघात दोन बदल केले आहेत.

लखनौ सुपर जायंट्स आणि सनराईजर्स हैदराबाद यांच्यात आतापर्यंत तीन सामने झाले आहेत. त्यातील तीनही सामने लखनौने जिंकला आहे. गेल्या वर्षी लखनौने हैदराबादच्या होम ग्राऊंडवर 183 धावांचे टार्गेट चेस केले होते.

सनराईजर्स हैदराबादने लखनौ सुपर जायंट्सने 166 धावांचे आव्हान 9.4 षटकातच पार करत सामना 10 विकेट्स राखून जिंकला. अभिषेक शर्माने 28 चेंडूत नाबाद 75 धावांची तर ट्रॅविस हेडने 30 चेंडूत नाबाद 89 धावांची खेळी केली. या दोघांनीच हैदाबादला विजय मिळवून दिला.

या विजयासोबतच हैदराबादने गुणतालिकेत 14 गुणांसह तिसरे स्थान पटकावले. हैदराबादच्या विजयामुळे मुंबई इंडियन्स अधिकृतरित्या प्ले ऑफच्या रेसमधून बाहेर गेली आहे.

लखनौ सुपर जायंट्सने सनराईजर्स हैदराबादविरूद्धच्या सामन्यात नाणेफेक जिंकून प्रथम फलंदाजी करण्याचा निर्णय घेतला. मात्र संथ खेळपट्टीवर लखनौला पॉवर प्लेमध्ये 27 धावाच करता आल्या.

पॉवर प्लेनंतर लखनौने आपला गिअर बदलला अन् सनराईजर्स हैदराबादविरूद्ध 20 षटकात 5 बाद 165 धावा केल्या. लखनौकडून आयुष बदोनीने सर्वाधिक 30 चेंडूत 50 धावा केल्या. तर निकोलस पूरनने त्याला 48 धावा करून उत्तम साथ दिली. केएल राहुलने 29 तर क्रुणाल पांड्याने 24 धावांचे योगदान दिले. हैदराबादकडून भुवनेश्वर कुमारने चांगला मार करत 2 विकेट्स घेतल्या.