कासरगोड (केरळ) ः ‘‘भारतात ज्याने प्रभू रामाला विरोध केला त्याला अधोगतीला सामोरे जावे लागले आहे. देशात काँग्रेस आणि ‘माकप’बाबत तेच झाले आहे,’’ असे प्रतिपादन भाजपचे ज्येष्ठ नेते राजनाथसिंह यांनी बुधवारी केले. निवडणुकीनिमित्त आज आयोजित सभेत ते म्हणाले की, ‘इंडिया’ आघाडीचा भाग असलेल्या या दोन्ही पक्षांना श्रीराम किंवा रामनवमीचे महत्त्व समजलेले नाही. रामनवमी साजरी करण्यात त्यांनी अडथळे आणले.

देशात ज्या कोणी प्रभू रामाला विरोध केला आहे त्याला अधोगतीला सामोरे जावे लागले आहे, हे आपल्या सर्वांनाच माहीत आहे. काँग्रेस आणि ‘माकप’बाबत तेच झाले आहे. देशातील सर्वात विश्वासार्ह राजकीय पक्ष असलेल्या भाजपच्या बोलण्यात आणि वागण्यात काहीही फरक नसल्याचा दावाही त्यांनी केला.