जम्मू : कलम 35 ए आणि त्यासंदर्भात राज्य आणि केंद्र सरकार जोपर्यंत याबाबतची स्थिती स्पष्ट करत नाही आणि त्यावर योग्य पावले उचलत नाही, तोपर्यंत आमचा पक्ष स्थानिक निवडणूक सहभागी होणार नाही. आम्ही या निवडणुकीत बहिष्कार टाकू, असे 'नॅशनल कॉन्फरन्स'चे प्रमुख फारुख अब्दुल्ला यांनी आज (बुधवार) स्पष्ट केले.

कलम 35 (ए) विरोधात सर्वोच्च न्यायालयात काही सेवाभावी संस्था (एनजीओ) आणि वैयक्तिकरित्या अनेक याचिका दाखल करण्यात आल्या आहेत. या सर्व याचिकांवरील सुनावणी न्यायालयात घेण्यात येत आहे. यापूर्वी मागील आठवड्यात सर्वोच्च न्यायालयात कलम 35 (ए) वर सुनावणी घेण्यात आली होती. अतिरिक्त सॉलिसिटर जनरल तुषार मेहता यांनी राज्य सरकारच्या वतीने बाजू मांडली.

याबाबत अब्दुल्ला म्हणाले, ''कलम 35 (ए) बाबत राज्य आणि केंद्र सरकारकडून योग्य पावले उचलण्यात आली नाहीतर आम्ही या स्थानिक निवडणुकांत सहभागी होणार नाही''.