नवी दिल्ली ः केंद्रीय प्रत्यक्ष कर मंडळाचे (सीबीडीटी) अध्यक्ष सुशील चंद्र यांची आज निवडणूक आयुक्त म्हणून नियुक्ती करण्यात आली. ते "आयआयटी'चे पदवीधर असून, भारतीय महसूल सेवेच्या (आयआरएस) च्या 1980 च्या तुकडीतील अधिकारी आहेत. कायदा मंत्रालयाने या संदर्भातील अधिसूचना जारी केली आहे.

माजी निवडणुक आयुक्त ओ पी रावत यांच्या निवृत्तीनंतर तत्कालीन निवडणुक आयुक्त सुनील अरोरा हे मुख्य निवडणुक आयुक्त बनले होते. त्यानंतर आयोगामध्ये निवडणुक आयुक्ताचे पद खाली होते. निवडणुक आयोगामध्ये मुख्य निवडणुक आयुक्ताव्यतिरिक्त आणखी दोन निवडणुक आयुक्त असतात. आता सुशील चंद्रा यांच्या व्यतिरिक्त अशोक लवासा हे एक निवडणुक आयुक्त आहेत.