उत्तर प्रदेशातील एका तुरुंगातून धक्कादायक माहिती समोर येत आहे, राज्यातील कारागृहांमध्ये एचआयव्ही पसरण्याचा धोका सातत्याने वाढत आहे. त्यातच बाराबंकी तुरुंगात गेल्या महिनाभरात 26 HIV पॉझिटिव्ह कैदी सापडले आहेत. या बातमी नंतर संपूर्ण राज्यात खळबळ उडाली आहे. गेल्या 10 ऑगस्ट ते 01 सप्टेंबर या कालावधीत बाराबंकी कारागृहात 3 टप्प्यांत अरोग्य शिबिर आयोजीत करून HIV चाचणी करण्यात आली.

या तपासणीत 26 कैद्यांना संसर्ग झाल्याचे आढळून आले. यापैकी 4 कैद्यांवर एआरटी उपचार सुरू होते. आता नवीन 22 रुग्णांवर एआरटी करण्यात येणार आहे. बाराबंकी कारागृहात एवढ्या मोठ्या प्रमाणात एचआयव्ही पॉझिटिव्ह रुग्ण आढळल्यानंतर, आता कारागृहात बंद असलेल्या महिला कैद्यांच्याही चाचण्या केल्या जाणार आहे. या कारागृहात सुमारे एक हजार कैदी आहेत. सांगितल जात आहे की या कैद्यांमध्ये नशा, शारीरिक संबंध यांमुळे एचआयव्ही पसरल्याचे सांगण्यात येत आहे.

बाराबंकी जेलचे अधीक्षक दीपंकर कुमार यांनी स्पष्ट केले आहे की, या रुग्णांना पुढील उचारासाठी जिल्हा रुग्णालयात पाठवण्याचा निर्णय घेण्यात आल्याचे त्यांनी सांगितले. यापूर्वी 23 जुलै रोजी सहारनपूर कारागृहातील कैदी एचआयव्ही पॉझिटिव्ह असल्याचे आढळून आले होते. सहारनपूर कारागृहात जिल्हा आरोग्य विभागाने आरोग्य तपासणी शिबिर सुरू केले तेव्हा हा प्रकार उघडकीस आला.

त्यात एक महिला कैदीही होती. एका वरिष्ठ अधिकाऱ्याने सांगितले, कारागृहांमध्ये कैद्यांची संख्या क्षमतेपेक्षा जास्त असल्याचे तुरुंगांमध्ये होणारी ही गर्दी चिंतेची बाब आहे. अशा परिस्थितीत असुरक्षित लैंगिक संबंधाची शक्यता नाकारता येत नाही. यामुळे एचआयव्हीचा प्रसार होऊ शकतो.