पणजी : गोव्याची राजधानी असलेले पणजी शहर देशातील स्मार्ट सिटीच्या शहरात समाविष्ट आहे. पणजी स्मार्ट करण्यासाठी गेले दीड वर्ष प्रयत्न सुरू आहेत. पण प्रगती यथातथाच आहे. शहरातील रस्यांवरील खड्डे, कचरा हे पाहता पणजी स्मार्ट बनण्याचे स्वप्न प्रत्यक्षात येणार का, असा प्रश्‍न कोणालाही पडावा.

गोवा मनोरंजन संस्था (इएसजी) ते महावीर उद्यान परिसरातील दोन्ही बाजूच्या पदपथाचे सुशोभीकरण गेल्या 'इफ्फी'वेळी लाखो रुपये खर्चून केले होते. मात्र दुसरा 'इफ्फी' येण्याअगोदरच येथील, फरशा, पदपथ, खांब, कठड्यांची दुरवस्था झाली आहे आणि नागरिकांनाही त्यावरून चालणे कठीण झाले आहे.