पुणे - १७ डिसेंबर २०२१ ऐवजी ३१ डिसेंबर २०२२ पर्यंत वयोमर्यादा ओलांडत असलेल्या विद्यार्थ्यांना एकवेळची विशेष बाब म्हणून महाराष्ट्र लोकसेवा आयोगच्या २१ ऑगस्ट रोजी होणाऱ्या राज्यसेवा पूर्व परीक्षा २०२२ साठी परीक्षेस बसण्यास संधी द्यावी. अशी मागणी विद्यार्थ्यांकडून होत आहे.

१ मार्च २०२० ते १७ डिसेंबर २०२१ या दिनांकापर्यंतच्या कालावधीत ज्या विद्यार्थ्यांची वयोमर्यादा ओलांडली आहे. अशा विद्यार्थ्यांना कोरोनाच्या पार्श्र्वभूमीवर सामान्य प्रशासन विभागाच्या १७ डिसेंबर २०२१ च्या आदेशानुसार ३१ डिसेंबर २०२२ पर्यंत शासकीय सेवेत सरळसेवेने नियुक्तीसंदर्भात एक वेळची विशेष बाब म्हणून परीक्षेस बसण्याची संधी देण्यात आली आहे. त्याचधर्तीवर महाराष्ट्र लोकसेवा आयोगाच्या राज्यसेवा पूर्व परीक्षा २०२२ साठी १ मार्च २०२० ते १७ डिसेंबर २०२१ या ऐवजी १ मार्च २०२० ते ३१ डिसेंबर २०२२ या कालावधीत ज्या विद्यार्थ्यांची वयोमर्यादा ओलांडणार आहे. अशा विद्यार्थ्यांना एकवेळ विशेष बाब म्हणून परीक्षेस बसण्याची संधी द्यावी अशी मागणी होत आहे.