अबू धाबी : अबू धाबी येथे एअर इंडियाच्या विमानाच्या इंजिनला हवेतंच आग लागल्याची घटना घडली आहे. अबू धाबी येथून कलिकट येथे येण्यासाठी या विमानाने उड्डाण केले होते. पण उड्डाण केल्यानंतर हवेत फक्त १ हजार फूट उंचीवर गेल्यानंतर विमानाच्या इंजिनला आग लागली. त्यानंतर विमानाचे अबू धाबी विमानतळावर इमर्जन्सी लँडिंग केले गेले.

हेही वाचा - 'पठाण'..आणि २०२३ मधले बाॅलीवूड..कसे असतील दिवस

अधिक माहितीनुसार, एअर इंडियाच्या B737-800 VT-AYC ऑपरेटिंग फ्लाइट IX 348च्या एक नंबरच्या इंजिनला आग लागली. आग लागली त्यावेळी विमान हवेत जवळपास १ हजार फूट उंचीवर होते. पण त्यानंतर पायलटने प्रसंगावधान राखत इमर्जन्सी लँडिंग केले. या विमानातील सर्व प्रवाशी सुखरूप असल्याची माहिती आहे.