ब्रुसेल्स - हाँगकाँगसाठी चीन सरकारने स्वतंत्र राष्ट्रीय सुरक्षा कायद्याचा स्वीकार करण्याची तयारी चालविली असताना आंतरराष्ट्रीय पातळीवर देखील याचे पडसाद उमटू लागले आहेत. अमेरिकेनंतर आता युरोपियन युनियनने देखील चीनने हाँगकाँगच्या स्वायत्तेचा आदर करावा असे म्हटले आहे. 

ताज्या बातम्यांसाठी डाऊनलोड करा ई-सकाळचे ऍप

काही मूलभूत कायदे आणि आंतरराष्ट्रीय कटिबद्धता लक्षात घेता हाँगकाँगच्या स्वायत्ततेला खूप महत्त्व असल्याचे युरोपियन परिषदेचे अध्यक्ष चार्ल्स मिचेल यांनी सांगितले. सध्या मिचेल हे युरोपियन देशांच्या  सरकारचे नेतृत्व करतात. मिचेल यांनी आज  जपानचे पंतप्रधान शिंझो ॲबे यांच्याशी चर्चा केल्यानंतर माध्यमांशी व्हिडिओ कॉन्फरन्सिंगच्या माध्यमातून संवाद साधला. 

अमेरिका कोरोनावर मात करेल; डोनाल्ड ट्रम्प यांना विश्‍वास

‘चीनच्या कृत्याची आम्हाला कल्पना आहे. युरोपने नेहमीच एक देश, दोन व्यवस्था या तत्त्वाला पाठिंबा दिला आहे.  हाँगकाँगच्या स्वायत्ततेमागे देखील हाच आधार आहे,’ असे त्यांनी स्पष्ट केले. चीनचे पंतप्रधान ली केक्वीयांग यांनी या नव्या सुरक्षा कायद्याचा प्रस्ताव मांडला असून  यामुळे हाँगकाँगच्या वेगळ्या कायदेशीर अस्तित्वावरच गदा  येणार आहे.

हे तर हिमनगाचे एक टोक