आपल्या सगळ्यांनाच दूध देणारे सस्तन प्राणी कोणते ते माहित असेल, गाय, म्हैस, बकरी, शेळी असे अनेक प्राणी सस्तन प्राण्यांमध्ये येतात. त्यामुळे आपण साऱ्यांनीच गाय, म्हैस, शेळी यांचं दूध प्यायलं असेल. परंतु, या प्राण्यांव्यतिरिक्त तुम्ही कधी उंटिणीचं दूध प्यायलं आहे का? तर या प्रश्नाचं उत्तर अनेकांकडून नाही असंच येईल. खरंतर उंटिणीचं दूध हे अत्यंत पौष्टिक आणि तितकंच महाग असल्याचं सांगण्यात येतं. एक तर उंटिणीचं दूध सहजासहजी उपलब्ध होत नाही. हे दूध खासकरुन युनायडेट अरब अमीरात,केनियामध्ये उपलब्ध होतं. हे दूध अत्यंत महाग असल्यामुळे त्याला व्हाइट गोल्डदेखील म्हटलं जातं.

गेल्या ६ हजार वर्षांपासून मानव उंटिणीच्या दुधाचा वापर करत आला आहे. हे दूध अत्यंत पौष्टिक असून ते आरोग्यासाठी प्रचंड गुणकारी आहे. त्यामुळेच त्याचा दर हा सोन्याप्रमाणे असल्याचं सांगण्यात येतं. विशेष म्हणजे हे दूध शरीरासाठी फायदेशीर असल्यामुळे त्याला जगभरात या प्रचंड मागणी आहे.  सध्या पाहायला गेलं तर जगभरामध्ये ऊंटिणीच्या दूधाचा व्यवसाय हा जवळपास १० बिलिअन डॉलरच्या आसपास असल्याचं म्हटलं जातं.  त्यामुळेच त्याला 'व्हाइट गोल्ड' म्हटलं जातं. दिवसाकाठी सात लीटर दूध देणाऱ्या उंटिणीच्या दुधामध्ये गाईच्या दुधाच्या तुलनेत निम्मे फॅट्स असतात. 

उंटिणीच्या दुधाचे फायदे

१. लहान मुलांच्या हृदयासाठी हे दूध अत्यंत फायदेशीर आहे.

२. बौद्धिक क्षमता चांगली होते.

३.मधुमेहाचा त्रास कमी होतो.

४. अनेक औषधांच्या निर्मितीसाठीदेखील हे दूध वापरलं जातं.

दरम्यान, राजस्थान, अहमदाबाद, सूरत, पुणे आणि मुंबई येथे उंटिणीच्या दुधाला प्रचंड मागणी आहे. हे दूध २० रुपयांपासून ते २०० रुपयांपर्यंत मिळतं. तर, विदेशात मात्र या दुधाला प्रचंड मागणी असून विदेशी नागरिक प्रति लीटर दूधासाठी ४ हजारापासून ते ७ हजारांपर्यंत पैसे मोजण्यास तयार असतात.