श्रीलंकेत आर्थिक आणीबाणी आहे. परिस्थिती हाताबाहेर गेलीय. महागाई प्रचंड वाढलीय. देशातील इंधन संपल्याने पेट्रोल -डिझेल खरेदी करण्यासाठी लांबच्या-लांब रांगा लागल्या आहेत. श्रीलंकेला मदत म्हणून भारताने ४०,००० टन डिझेल पाठविले आहे. १ एप्रिल रोजी श्रीलंकेचे राष्ट्रपति गोटाबाया राजपक्षे (Gotabaya Rajapaksa) यांनी आणीबाणी जाहिर केलीय.

१२ ते १५ तास वीजकपातीने नागरिक त्रस्त आहेत. त्यामुळे मोठ्या प्रमाणात लोकं रस्त्यावर उतरलेत. आरोग्यसुविधांनी देखील मान टाकलीय. अशातचं नागरिकांनी राष्ट्राध्यक्ष गोटाबाय यांच्या घरावरचं हल्ला केला. श्रीलंकन पोलिसांनी १५ जणांना या प्रकरणात अटक केलीय. तर ५४ जणांना ताब्यात घेण्यात आलंय, इंधनाची कमतरता असल्याने अनेक पेट्रोलपंपावर इंधन खरेदीसाठी मोठ्या रांगा लागल्या आहेत. ''भारताने पाठविलेली मदत श्रीलंकन नागरिकांसाठी आनंदाची बातमी असल्याचं, सिलॉन पेट्रोलियम कॉर्पोरेशनचे अध्यक्ष सुमिथ विजेसिंघे यांनी म्हंटलयं.' न्यूज वायर या माध्यमसंस्थेशी ते बोलत होते.

भारत डिझेलबरोरबच तांदूळ देखील पाठवणार आहे. भारताने श्रीलंकेला १ अब्ज डॉलरचं कर्ज देण्याविषयचा करार मार्चमध्ये झाला होता. त्याअंतर्गत खाद्यउत्पादन, धान्य, औषध आणि इतर खरेदीसाठी हे कर्ज देण्यात आलंय. १७ मार्च रोजी श्रीलंकेचे विदेशमंत्री भारत दौऱ्यावर आले असताना हा करार झाला होता. (Sri lanka economic crisis)