इराणची प्रसिद्ध 'झोम्बी' जी अँजेलिना जोलीच्या नावाने ओळखली जायची तिने पहिल्यांदाच तिचा खरा चेहरा जगासमोर आणलाय. झोम्बी गेल्या 3 वर्षापासून तुरुंगात होती. तुरुंगातून सुटल्यानंतर तिने स्वत:चा चेहरा जगासमोर आणलाय.

2019 मध्ये भ्रष्टाचाराच्या आरोपाखाली तिला अटक करण्यात आली होती. इराणमध्ये हिजाबवर सुरू असलेल्या निदर्शनानंतर तिची सुटका करण्यात आली. (Iran's 'Zombie Angelina Jolie' shows real face photo goes viral)

हॉलिवूड सुपरस्टार अँजेलिना जोलीसारखी दिसण्यासाठी तिने चेहऱ्यावर अनेक शस्त्रक्रिया केल्या होत्या त्यानंतर तिला अँजेलिनाचे भूत म्हणून ओळखू लागले. या तरुणीचं नाव सहर तबार असून ती २१ वर्षाची आहे.

तुरुंगातून सुटका झाल्यानंतर सहार तबरने पहिल्यांदाच तिचा चेहरा दाखवला. एका टीव्ही मुलाखतीसाठी ती गेली असता तिने तिचा खरा चेहरा जगाला दाखवला. तिचा चेहरा पाहून सर्वांना आश्चर्याचा धक्काच बसला.

अँजेलिना जोलीसारखे दिसण्याचा नादात सहरचा चेहरा विद्रूप झाल्याने सोशल मीडियावर तिची प्रचंड चर्चा सुरु होती.मात्र आपण मनोरंजनासाठी हा टाईमपास केल्याचा दावा खुद्द सहरने केला होता.

मेक-अप आणि फोटोशॉपचा वापर करत तिने हे फोटो तयार केले होते. मात्र हे फोटो प्रसिद्ध झाल्यानंतर ईशनिंदा, गैरमार्गाने पैसे कमावणे शिवाय तरूणाईला भ्रष्टाचारासाठी प्रोत्साहित केल्याचा ठपका ठेवत तिला १० वर्षांच्या तुरुंगवासाची शिक्षा सुनावण्यात आली होती. आता काहीच दिवसांपूर्वी तिची सुटका करण्यात आली आहे.