वॉशिंग्टन : अमेरिकेच्या अध्यक्षपदाच्या निवडणुकीत डेमॉक्रॅटिक पक्षाकडून कमला हॅरिस यांची उमेदवारी शुक्रवारी (ता.२) निश्‍चित झाली आहे. त्यांचे प्रतिस्पर्धी व अमेरिकेचे माजी अध्यक्ष डोनाल्ड ट्रम्प यांनी त्यांच्यावर टीका केली आहे. ‘‘हॅरिस यांना एकही मत मिळाले नसल्याने लोकशाही पद्धतीने त्यांची उमेदवारी जाहीर झालेली नाही,’’ असे ट्रम्प यांनी म्हटले आहे.
ही प्रक्रिया साम्यवादी चीनची आठवण करून देणारी आहे, असा दावा ट्रम्प यांच्या प्रचार यंत्रणेने केला आहे. भारतीय आणि आफ्रिकन वारसा असलेल्या अमेरिकेच्या उपाध्यक्ष हॅरिस (वय ५९) यांना काल ‘व्हर्च्युअल रोल कॉल’मध्ये (आभासी मतदान प्रक्रिया) डेमोक्रॅटिक प्रतिनिधींकडून पुरेशी मते मिळाल्याने सत्ताधारी पक्षाच्या २०२४ च्या अध्यक्षपदाच्या उमेदवार म्हणून घोषित करण्यात आले.
५ नोव्हेंबर रोजी होणाऱ्या सार्वत्रिक निवडणुकीत त्यांचा ट्रम्प (वय ७८) यांच्याशी थेट सामना होणार आहे.हॅरिस यांची उमेदवारी लोकशाही पद्धतीने झाली नसल्याची टीका करीत लोकशाहीसाठी खरा धोका डेमोक्रॅट पक्षाचाच आहे, असे ट्रम्प यांच्या प्रचारयंत्रणेने म्हटले आहे. अमेरिकेच्या इतिहासातील सर्वात कमी लोकप्रिय कमला हॅरिस यांना एकही मत न मिळता अध्‍यक्षपदासाठी उमेदवारी मिळाली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.