युक्रेनचे अध्यक्ष वोलोदिमीर झेलेन्स्की (Volodymyr Zelenskyy) आणि पंतप्रधान नरेंद्र मोदी यांनी सोमवारी (26 डिसेंबर) फोनवर चर्चा केली. यासंदर्भात युक्रेनच्या राष्ट्राध्यक्षांनी ट्विट करत याबद्दल माहिती दिली आहे. यावेळा झेलन्स्की यांनी पंतप्रधान मोदींना जी - २० च्या अध्यक्षतेसाठी शुभेच्छा दिल्या तसेच संयुक्त राष्ट्रात युक्रेनला दिलेल्या पाठिंब्याबाबत आभार मानले आहेत.

झेलेन्स्की यांनी ट्विट केलं आहे की, “मी पंतप्रधान नरेंद्र मोदी यांच्याशी फोनवर बोललो आणि G20 च्या यशस्वी अध्यक्षतेसाठी शुभेच्छा दिल्या. याच व्यासपीठावर मी शांतता फॉर्म्युला जाहीर केला आणि आता मी त्याच्या अंमलबजावणीत भारताच्या सहभागाची वाट पाहत आहे.”

युक्रेनच्या राष्ट्राध्यक्षांनी संयुक्त राष्ट्र येथे मानवतेच्या दृष्टीकोनातून केलेली मदत आणि पाठिंब्यासाठी पंतप्रधान मोदींचे आभार मानले. व्होलोडिमिर झेलेन्स्की यांनी ट्विट केले की, "संयुक्त राष्ट्रांमध्ये मानवतेच्या दृष्टीकोनातून आणि पाठिंब्यासाठी मी त्यांचे आभार मानले." ऑक्टोबर महिन्याच्या सुरुवातीला पंतप्रधान नरेंद्र मोदी आणि राष्ट्राध्यक्ष वोलोदिमीर झेलेन्स्की यांच्यात फोनवर चर्चा झाली होती.

हेही वाचा - जोखीममुक्त व्यवहारांसाठी रिझर्व बँकेचा 'डिजिटल रुपया'

यापूर्वी झालेल्या संभाषणात पंतप्रधान मोदी यांनी म्हटले होते की, युक्रेनमधील युद्धावर कोणताही लष्करी उपाय असू शकत नाही आणि भारत कोणत्याही शांततेसाठीच्या प्रयत्नांमध्ये योगदान देण्यास तयार आहे. झेलेन्स्की यांच्याशी झालेल्या फोनवरील संभाषणादरम्यान, पंतप्रधान मोदींनी शत्रुत्वाचा तात्काळ अंत करण्याच्या आणि मुत्सद्दीपणा आणि संवादाच्या मार्गावर परत येण्याच्या आवाहनाचा पुनरुच्चार केला होता.