आजकालच्या धावपळीच्या जीवनशैलीत डोकेदुखी एक सामान्य समस्या बनली आहे. डोकेदुखीची तशी अनेक कारणे आहेत. बऱ्याच लोकांना मायग्रेनचा त्रास होतो आणि बऱ्याचदा डोकेदुखीचा त्रास होतो. जेव्हा डोकेदुखी जाणवते तेव्हा त्यापासून मुक्त होण्यासाठी काहीही करण्यास तयार होत असतो. पण डोकेदुखीवर काही घरगुती उपाय असे आहेत, की जे फायदेशीर ठरत असतात. परंतु, अनेकांना या टिप्सबद्दल माहिती नाही. बहुतेक लोक डोकेदुखीच्या उपचारांसाठी मेडिकलवर जावून औषधे घेत असतात. मात्र डोकेदुखी कमी करण्याचा नैसर्गिक उपाय म्हणजे औषध मुक्त मार्ग आहे. हे घरगुती उपचार डोकेदुखी टाळण्यास मदत करतात किंवा त्यांची तीव्रता कमी करण्यास मदत करतात. डोकेदुखीपासून आराम मिळण्यासाठी असे काही घरगुती उपचार. 

डोकेदुखीच्या मुक्‍तीसाठी हे करा घरगुती उपाय

भरपूर पाणी प्या
पाणी पिण्यामुळे डोकेदुखी दूर होते; हे ऐकून किंवा वाचून आश्‍चर्य वाटेल. पण पुरेसे पाणी पिल्याने डोकेदुखी कमी होते. कारण डिहायड्रेशनमुळे आपल्याला डोकेदुखीचा त्रास होऊ शकतो. निर्जलीकरण झाल्यामुळे एकाग्रता खराब होऊ शकते आणि चिडचिड होते; ज्यामुळे डोकेदुखीचा त्रास जाणवू लागतो. यामुळे भरपूर पाणी पिण्यास डोकेदुखीची तिव्रता कमी होण्यास मदत होते.

या तेलाचा वापर उत्‍तम उपाय
डोकेदुखीवर औषधी घेण्यापेक्षा तेलाने डोकेदुखीपासून मुक्ती मिळू शकते. त्‍याकरीता तेल घरी तयार केले जाऊ शकतात. यासाठी ७-८ थेंब पुदिन्याचे तेल; ५–६ थेंब लवंगाचे तेल, ४-५ थेंब आल्याचे तेल, दोन चमचे नाराळाचे किंवा जोजोबाचे तेल, ७-८ थेंब विंटरग्रीन तेल. हे सर्व तेल एकत्रित मिक्स करून डोक्याला किंवा मानेवर लावा. याने हळू- हळू मालीश केल्‍यानंतर आराम मिळतो आणि वेदना दूर होतील.

मॅग्नेशियमयुक्‍त असलेले पदार्थ खा
रक्तातील साखर नियंत्रण आणि मज्जातंतू संक्रमणासह शरीरात असंख्य कार्ये करण्यासाठी मॅग्नेशियम एक महत्त्वपूर्ण खनिज आहे. विशेष म्हणजे मॅग्नेशियम हे देखील डोकेदुखीवर एक सुरक्षित आणि प्रभावी उपाय मानला जातो. मॅग्नेशियम सप्लीमेंट घेतल्याने पाचन दुष्परिणाम होऊ शकतात. जसे की काही लोकांमध्ये अतिसार होवू शकतो. यामुळे डोकेदुखीच्या लक्षणांसाठी उपचार करताना लहान डोस घेणे चांगले ठरू शकते.

हिस्टामाइन जास्त प्रमाणात खाण्यास टाळा
हिस्टामाइन (रक्तपेशींशी संबंधित असे शरीरातील एक द्रव्य) शरीरात एक नैसर्गिकरित्या उद्‌भवणारे एक रसायन आहे. जे रोगप्रतिकारक शक्‍ती, पाचक आणि मज्जासंस्थांमध्ये कार्य करते. हे चीज, आंबवलेले पदार्थ, बिअर, वाइन, स्मोक्ड फिश आणि बारीक मांस यासारख्या विशिष्ट पदार्थांमध्ये देखील आढळते. अभ्यासातून असे दिसून आले आहे, की हिस्टामाइनचे सेवन करणे टाळायला हवे.

एक हर्बल उपाय करा
फिवरफ्यू (एका फुलाचा प्रकार) आणि ताक यासह काही औषधी वनस्पती डोकेदुखीची लक्षणे कमी करतात. फीव्हरफ्यू एक फुलांची रोप असून ज्यात दाहक विरोधी गुणधर्म आहेत. काही अभ्यासानुसार दररोज 50 ते 150 मीली ग्रॅमचा डोस घेतल्यास डोकेदुखीची दाहकता कमी होऊ शकते.

मद्यपान मर्यादित करा
अल्कोहोलयुक्त पेय बहुतेक लोकांमध्ये डोकेदुखीचे कारण ठरत असते. एका संशोधनानुसार ज्यांना वारंवार डोकेदुखी जाणवते अशा लोकांपैकी एक तृतीयांश मद्यपान हे डोकेदुखीला चालना देणारे ठरते. अल्कोहोलमुळे बऱ्याच लोकांमध्ये तणाव निर्माण होवून डोकेदुखी जाणवते. हे एक वासोडिलेटर आहे, ज्याचा अर्थ असा आहे की हे रक्तवाहिन्या विस्तृत करते आणि रक्त अधिक मुक्तपणे वाहू देते.