लहान बाळांची त्वचा (Skin) अतिशय नाजूक असते. बाळांच्या त्वचेची निगा राखण्यात काही निष्काळजीपणा होत असेल तर त्वचेवर पुरळ आणि पिंपल्स बाहेर पडतात. त्यांच्या चिडचिडपणामुळे, बाळांना अस्वस्थ वाटते आणि ते दिवसरात्र रडतात. अशा परिस्थितीत जर तुम्ही पहिल्यांदाच आईवडील झाला असाल तर तुम्ही तुमच्या मुलाच्या त्वचेची विशेष काळजी घेतलं पाहिजे.
खरं तर जन्मानंतरच्या सुरुवातीच्या काळात बाळाच्या त्वचेत आणि केसांमध्ये सतत बदल होत असतात. न्यू बॉर्न बेबीजचे शरीर कित्येक दिवसांपर्यंत एक पांढरा कवच सोडते, जी एक सामान्य प्रक्रिया आहे. त्याला वर्निक्स म्हणतात. काहीजण खूप घासून आंघोळ घालण्याचा किंवा स्क्रब करण्याचा प्रयत्न करतात, जे योग्य मार्ग नाहीयेय. चला तर मग जाणून घेऊया बाळाच्या त्वचेची काळजी घेण्यासाठी काय करावे आणि काय करू नये.सौम्य साबण वापरा:
बाळाच्या त्वचेवर रासायनिक उत्पादनांचा वापर केल्यास रॅशेसची समस्या उद्भवते, त्यामुळे केस आणि त्वचेसाठी नेहमी सौम्य शॅम्पू आणि साबणाचा वापर केला पाहिजे.बाळाच्या त्वचेला पोषण द्या:
बाळाच्या (Baby) त्वचेला पोषणाची गरज असते. यासाठी तुम्ही त्यांना दिवसातून दोन वेळा मसाज करू शकता. मालिशसाठी, तुम्ही कोणतेही शुद्ध तेल वापरा, उदा., नारळ तेल, बदाम तेल, ऑलिव्ह ऑईल आदी. लक्षात ठेवा की बेबी ऑइलच्या नावाखाली विकले जाणारे तेल वापरणे टाळा, ज्यात तीव्र सुगंध किंवा केमिकल असते.
जास्त पावडर वापरू नये:
बाळाच्या त्वचेवर पावडरचा वापर कमीत कमी करा. अंघोळीनंतर त्वचा पूर्णपणे कोरडी करा आणि त्यानंतरच पावडर लावा. पावडरचा जास्त सुगंध येणार नाही, याची खात्री करा. गरज नसल्यास पावडर वापरू नका. कॉटन नॅपी घाला:
डायपरच्या वापरामुळे मुलाला पुरळ उठण्याचा त्रास होतो आणि ओले असल्यामुळे मुलाला खाज सुटणे, रॅशेजेस आणि रेडनेसची समस्या उद्भवू शकते. अशावेळी बाळाला कमी डायपर घालणं चांगलं आणि कॉटनची नॅपी घालणं उत्तम ठरेल.
धुतलेले कपडे घाला:
नेहमी लहान मुलांचे कपडे धुवून त्यानंतरच घाला. खराब झालेल्या कपड्यांमुळे त्वचेवर पुरळ, रॅशेज किंवा इतर कोणतीही समस्या देखील उद्भवू शकते.
बाळाची नखे स्वच्छ ठेवा:
बाळाची नखे वेगाने वाढतात आणि ती कापली गेली नाहीत तर त्यांच्या चेहऱ्याला इजा होऊ शकते. यासाठी तुम्ही नेल कटरऐवजी छोटी कात्री वापरू शकता.ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.