कात्रज - सुशोभीकरणाने सज्ज असलेल्या नानासाहेब पेशवे जलाशयाला दूषित पाण्याच्या दुर्गंधीने घेरले आहे. मांगडेवाडी व गुजरनिंबाळकरवाडी परिसरातून येणारे ओढे सांडपाणी व मैलापाणी थेट जलाशयात वाहून आणत आहेत. गेली अनेक वर्षे सातत्याने जलाशयात साठणाऱ्या मैलापाण्याने तलावात जलप्रदूषण होऊन जलचर संपुष्टात येत आहेत. सुशोभीकरण झालेल्या महत्त्वाकांक्षी प्रकल्पात समाविष्ट असलेला जॉगिंग ट्रॅक व ओपन जीमवर व्यायामाला येणाऱ्या नागरिकांना दुर्गंधीचा त्रास सहन करावा लागत आहे. यामुळे कृत्रिम बेट, बेटावरील छत्रपती शिवाजी महाराजांचा अश्वारूढ पुतळा, फुलराणी, उंचीवर फडकणारा तिरंगा, म्युझिकल फाउंटन, नाना-नानी उद्यान आणि जलाशयाचे विहंगम नजारा पाहण्यासाठी येणाऱ्या पर्यटकांसह परिसरातील नागरिकांच्या आरोग्याचा प्रश्न निर्माण झाला आहे. (छायाचित्रे - सचिन कोळी