Jalgaon Crime News : पतीचे कर्ज फेडण्यासाठी विवाहितेने माहेरून पाच लाख रुपये आणावे, यासाठी विवाहितेचा छळ केला जात असल्याची घटना रविवारी (ता.११) उघडकीस आली. या प्रकरणी सासरच्या मंडळींविरुद्ध रामानंद नगर पोलिसात गुन्हा दाखल करण्यात आला आहे.

शहरातील विवेकानंद नगरातील माहेर असलेल्या नंदा विलास पाटील यांचे अमळनेर येथील विलास अशोक पाटील यांच्यासोबत विवाह झाला आहे. (case has been filed on complaint of harassment by husband for 5 lakhs jalgaon crime news)

विवाहानंतर सासरच्या मंडळींनी विवाहितेच्या पतीने घेतलेले पाच लाखांचे कर्ज फेडण्यासाठी माहेरून पाच लाख रुपयांची मागणी केली.

परंतु विवाहितेने त्यांची मागणी पूर्ण न केल्यामुळे सासरच्यांकडून विवाहितेचा छळ करीत मारहाण करण्यात आली. विवाहितेस माहेरी पाठवून दिले.

वारंवार होणाऱ्या छळाला कंटाळून विवाहितेने रामानंद नगर पोलिसात तक्रार दिली. तक्रारीवरून पती विलास अशोक पाटील, जेठ कृष्णराव पाटील, जेठानी सुवर्णा पाटील (दोघे रा. पुणे), नणंद आरती पवार.

नंदोई सूर्यकांत पवार (दोघे रा. पिंपरी चिंचवड), चुलत जेठानी अलका दिलीप पाटील (रा. अमळनेर) यांच्याविरुद्ध गुन्हा दाखल करण्यात आला आहे. सहाय्यक फौजदार प्रशांत पाठक तपास करीत आहे.