Jalgaon News : शहरातील गेंदालाल मील परिसरातील भीमा कोरेगाव चौकात हातात धारदार कुकरी घेवून दहशत पसरविणाऱ्या संशयीताला शहर पोलिसांनी ताब्यात घेतले.

चौकशी केल्यावर त्याला देान वर्षांसाठी हद्दपार करण्यात आले असताना तो, हद्दपारीचे आदेश झुगारुन दहशत माजवत असल्याचे निष्पन्न झाल्याने त्याच्याविरुद्ध शहर पोलिसांत गुन्हा दाखल करण्यात आला आहे. (Terrorist Deported criminals arrested Jalgaon Crime News)

हेही वाचा : Credit Card फसवणूक....काय घ्याल काळजी?

महेश उर्फ मन्या संतोष लिंगायत (वय २१, रा. गेंदालाल मील) असे या संशयिताचे नाव असून, तो हातात धारदार कुकरी घेवून परिसरात दहशत माजवित असल्याची गोपनीय माहिती शहर पोलीसांना मिळाली होती.

गुन्हेशोध पथकाचे रतन गिते, भास्कर ठाकरे, अमोल ठाकूर, चारू पाटील यांच्या पथकाने त्याला अटक केली.