पाली : सुधागड तालुक्यातील पाच्छापूर भागातील दोनशे आदिवासी बांधवांसह गरीब गरजूंना ब्लँकेट व धान्याचे वाटप करण्यात आले. रविंद्र पटणी फॅमिली चॅरीटेबल ट्रस्ट व बौध्द विकास मंडळ पाच्छापूर पंचशिलनगर यांच्या वतीने हा समाजोपयोगी उपक्रम नुकताच राबविण्यात आला.

सामाजिक बांधिलकी व सेवाभावी दृष्टीकोणातून रविंद्र पटणी फॅमीली चॅरीटेबल ट्रस्ट व बौध्द विकास मंडळ पाच्छापूर पंचशिलनगर हे नेहमीच येथील आदिवासी बांधवांच्या उत्कर्षासाठी व विकासासाठी योगदान देत आहेत. सध्या थंडीचे दिवस असून डोंगराळ व जंगल भागात राहणार्‍या आदिवासी बांधवांचा व गरिब गरजवंतांचा थंडीपासून बचाव व्हावा याकरीता तसेच त्यांना अन्नातून पुरेशी उर्जा मिळण्यासाठी ब्लॅन्केटचे व धान्याचे वाटप करण्यात आले अाहे. असे रविंद्र पटणी फॅमीली चॅरीटेबल ट्रस्ट डॉ. शेखावत यांनी सकाळला सांगितले. यावेळी अादिवासी व गरिब बांधवांनी रविंद्र पटणी फॅमीली चॅरीटेबल ट्रस्ट व बौध्द विकास मंडळ पाच्छापूर पंचशिलनगरच्या सर्व पदाधिकारी व सभासदांचे आभार मानले. यावेळी डी.के.जैन, डॉ.शेखावत, बौध्द विकास मंडळ पाच्छापूर माजी अध्यक्ष राजेंद्र (भाऊ) महाडीक, चंद्रकांत घोसाळकर, भिम महाडीक, सिध्दांत गायकवाड, रविंद्र महाडीक, संदीप डिकळे आदिंसह मान्यवर, ग्रामस्थ व आदिवासी बांधव उपस्थित होते.

समाजाच्या मुख्य प्रवाहापासून दूर राहिलेल्या आदिवासी बांधवांचा सर्वांगिण विकास साधला पाहिजे. या दृष्टीने आदिवासी बांधवांना भेडसावणारे विविध गरज, प्रश्न व समस्या सोडविण्यासाठी आम्ही प्रयत्न करत आहोत.आदिवासी बांधवांसोबत जिव्हाळ्याचे नाते व ऋनानुबंध जोपासुन त्यांना यापुढेही सहकार्य करतच राहणार अाहोत.
- राजेंद्र महाडीक, माजी अध्यक्ष, बौध्द विकास मंडळ पाच्छापूर