सावंतवाडी - 'नारायण राणेंनी मंत्रीपदाची स्वप्ने बघणे सोडावे. शिवसेनेचे सर्व आमदार पक्षाशी आणी पक्षप्रमुखांशी एकनिष्ठ आहेत, त्यामुळे ते राणेंना मदत करतील हे राणेंचे स्वप्नच राहील,'  अशी टीका शिवसेनेचे जिल्हा संपर्क प्रमुख अरुण दुधवडकर यांनी आज (बुधवार) येथे केली

दुधवडकर हे आज जिल्हा दौ-यावर होते. ते म्हणाले "गेली 23 वर्षे भाजपावर आम्ही विश्वास ठेवला. त्यांच्या बरोबर संसार केला होता त्याचे काय झाले हे सर्वाना माहीत आहे. मात्र त्याच पक्षाच्या  मुख्यमंत्री देवेंद्र फडवणीस यांच्यावर राणेंनी विश्वासच ठेवला आहे. तेच आता त्यांना आदरणीय झाले आहेत. त्याचे काय होईल हे लवकरच दिसेल. राणेंच्या विरोधात आता आम्हाला काय बोलायची गरज वाटत नाही'.

ते पुढे म्हणाले, जिल्ह्यात संघटना वाढीच्या दृष्टीने प्रयत्न सुरू आहेत. त्यासाठी पालकमंत्री दीपक केसरकर यांना घेऊन पक्षप्रमुख उद्धव ठाकरे यांची भेट घेतली. यावेळी  संघटना मजबूत करण्याचे आदेश पक्षप्रमुखांनी दिले आहेत. 10 डिसेंबर नंतर गाववार दौरे सुरू करण्यात येणार आहे, यावेळी  राजू नाईक, प्रशांत कोठावळे, अपर्णा कोठावळे, रश्मी माळोदे, रेश्मा नाईक, शब्बीर मणियार आदी पदाधिकारी उपस्थित होते.