रत्नागिरी - आठ ते दहा वर्षाहून अधिक वर्षे काम कंपनीत काम करत आलो. तरी ना पगारवाढ, ना कायम करण्याच्या हालचाली. कोळशामुळे निर्माण झालेल्या राखेने बागायतीचे नुकसान झाले. बंदर परिसरात मासेमारीला मनाई केली जाते. त्याचा मोबदलाही देण्यास जेएसडब्ल्यू तयार नाही. मग आम्ही जगायचं कसं, असा सवाल करित नांदीवडे ग्रामस्थांनी जेएसडब्लू एनर्जी आणि पोर्ट विरोधात सलग दुसर्या दिवशी ग्रामपंचायतीपुढे बेमुदत आंदोलन सुरुच ठेवले. शुक्रवारी (ता. 16) दिलेल्या लेखी पत्रातही ठोस आश्वासनं कंपनीकडून मिळालेली नसल्याने संतप्त ग्रामस्थांनी अधिकार्यांना माघारी धाडले.
अशा आहेत नांदिवडे ग्रामस्थांच्या मागण्या....
कुलिंग टॉवरमधून बाहेर पडणार्या खार्या पाण्यामुळे कुणबीवाडी, नांदिवडे परिसरातील ग्रामस्थांच्या डिश टिव्ही अँटेना, विद्युत जोडणीच्या जीआय तारा गंजल्या आहेत. अशा अनेक समस्यांमुळे त्रस्त झालेल्या ग्रामस्थांनी कंपनी विरोधात आंदोलन छेडले आहे.
नांदिवडे ग्रामपंचायत समोरील जागेत जेएसडब्ल्यू कंपनीविरोधात हे साखळी उपोषण सुरू आहे. या उपोषणात नांदिवडे सरपंच दिशा हळदणकर, उपसरपंच स्नेहल चौगुले, निकिता वणके, शरयू कोळंबेकर, माजी सरपंच अमित गडदे, महेंद्र गडदे, रवींद्र गडदे यांच्यासह अन्य ग्रामस्थ सहभागी झालेले आहेत. माजी पंचायत समिती सदस्य विवेक सुर्वे, माजी जिल्हा परिषद सदस्य बाबू पाटील यांनी या आंदोलनाला पाठींबा दिला आहे.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.