तळेरे -  कासार्डे पेट्रोल पंप येथे रविवारी रात्री सव्वानऊच्या सुमारास झालेल्या अपघातात मोटारसायकलचालक नंदकिशोर पालकर हा जागीच ठार झाला. अपघातातील दुसरा गाडी चालक मात्र अपघातानंतर पळून गेला. 

याबाबत मिळालेली माहिती अशी की, कणकवलीच्या दिशेने जाणाऱ्या (एमएच ०७ एई ५६३०) मोटारसायकलस्वार नंदकिशोर पालकर (रा. कलमठ) याला कासार्डे पेट्रोल पंपामधून बाहेर येणाऱ्या मोटारीने धडक दिली. त्यामुळे मोटारसायकलच्या मागून येणाऱ्या टेम्पोवर (जीजे १५ वायवाय ५१०१) आदळून पालकर मागच्या चाकाखाली सापडून जागीच ठार झाले. अपघातानंतर मोटारचालक पळून गेला. 

अपघातानंतर सुमारे पाऊण तासानंतर पोलिस घटनास्थळी दाखल झाले. या दरम्यान महामार्गावर सुमारे दोन किलोमीटरपर्यंत वाहनांच्या रांगा लागल्या होत्या.