फोटो ओळी
-rat९p१७.jpg ः

KOP२३L८१५६२

गुहागर ः साखरी बुद्रुक येथे तृणधान्य कार्यक्रमांतर्गत महिलांना मार्गदर्शन करताना कृषी सहाय्यक प्रतीक बांगर ---------

साखरीबुद्रुकला तृणधान्याबाबत मार्गदर्शन
पावस ः गुहागर तालुक्यातील साखरीबुद्रुक येथे कृषी विभागामार्फत आंतरराष्ट्रीय पौष्टिक तृणधान्य वर्ष २०२३ साजरा करण्यात आले. यामध्ये प्रामुख्याने नाचणी, वरई, राळा, ज्वारी, बाजरी, कोद्रा, राजगिरा, सावा या पौष्टिक तृणधान्यांचे आहारातील महत्व व फायदे या विषयी माहिती देण्यात आली. तसेच कोकणातील भातानंतरचे प्रमुख पीक असलेल्या नाचणीपासून बनवण्यात येणाऱ्या विविध प्रकारच्या पौष्टिक पदार्थांची माहिती देण्यात आली. त्यामध्ये नाचणीचे लाडू, नाचणीचे सत्व, नाचणीचे पापड, चकली, नाचणीची वडी, नाचणीची चकली, नाचणी बिस्कीट, नाचणीची इडली हे नाचणीचे प्रक्रियायुक्त पदार्थांची पाककृती सांगण्यात आली. या कार्यक्रमास कृषि पर्यवेक्षिका श्रीदेवी बाडगी, कृषी सहाय्यक प्रतीक बांगर व गावच्या कृषिसखी मनिषा पोमेनकर यांसह गावातील महिला भगिनी मोठ्या संख्येने उपस्थित होत्या.
------

जांभेकर विद्यालयाचे अॅथलेटिक्स स्पर्धेत यश
पावस ः चिपळूण तालुक्यातील डेरवण क्रीडा संकुलात झालेल्या जिल्हास्तरीय अॅथलेटीक्स स्पर्धेत सौ. गोदूताई जांभेकर विद्यालयाने सुयश संपादन केले. स्पर्धेत १२ वर्षाखालील मुलगे लांब उडी स्पर्धेत आर्यन अनिल चव्हाणने सुवर्णपदक, सार्थ दीपक बोरकरने कास्यपदक, १२ वर्षाखालील मुलांच्या गोळाफेक स्पर्धेत नैतिक दीपक कदमने रौप्य व ६० मीटर धावणेत कास्यपदक व उंच उडी स्पर्धेत आर्यन अनिल चव्हाणने सुवर्णपदक, आर्य विलास पवारने रौप्यपदक पटकावले. कोल्हापूर येथे होणाऱ्या राज्यस्तरीय सब जुनिअर अॅथलेटीक्स स्पर्धेसाठी त्यांची निवड झाली आहे. या स्पर्धा ८ वर्षे, १० वर्षे आणि १२ वर्षाखालील मुले व मुली अशा तीन गटात घेण्यात आल्या. स्पर्धेसाठी विद्यालयातील क्रीडाशिक्षिका निधी मोरे यांनी मार्गदर्शन केले.