rat१४४०.txt

(पान २ साठी)

‘त्या’ ठेकेदाराला काळ्या यादीत टाका

आमदार कदमांचे आदेश ; आगरवायंगणी रस्ता कामावरून संताप

दाभोळ, ता. १४ ः दापोली तालुक्यातील वारेबुवा (मळे) ते आगरवायंगणी या रस्त्याचे काम निकृष्ट दर्जाचे झाले आहे. ठेकेदार सार्वजनिक बांधकाम विभागाच्या अभियंत्यानाही धूप घालत नाही तर आमदार योगेश कदम यांना मी बोललो आहे, असे सांगत असल्याने नागरिकांनी समजायचे काय? असा प्रश्न उसगाव येथील सुमेध वैद्य यांनी आमसभेत विचारला. त्यामुळे आमदार योगेश कदम संतापले व त्यांनी या ठेकेदाराला काळ्या यादीत टाकावे, असे आदेश सार्वजनिक बांधकाम विभागाचे उपभियंता पटेल यांना दिले.
दापोली तालुक्यातील वारेबुवा (मळे) ते आगरवायंगणी रस्ताचे काम निकृष्ट झाले असल्याने नागरिकांनी सार्वजनिक बांधकाम विभागाकडे तक्रार केल्यावर ठेकेदाराला व्यवस्थित काम करण्याच्या सूचना देऊनही ठेकेदार अभियंत्यांचे ऐकत नाही, माझ्याकडे खूप कामे आहेत असे सांगतो, असे वैद्य यांनी सांगितले. त्या ठेकेदारावर दंडात्मक कारवाई करण्यात येईल, अशी माहिती सार्वजनिक बांधकामचे उपविभागीय अभियंता पटेल यांनी दिली. त्यानंतर आमदार कदम यांनी जर ठेकेदार व्यवस्थित काम करत नसेल तर त्याला काळ्या यादीत टाका, असे आदेश आमदार कदम यांनी दिले.

-