-rat२०p८.jpg --KOP२३L८४०१०ः
मुंबई ः दिवंगत विनोदी कलाकार चंद्रकांत मोडकले यांना आदरांजली वाहताना सहकलाकार.

चंद्रकांत मोडकलेंना नाट्यातून आदरांजली
गाडी चुकलीचा प्रयोग; जमा २५ हजार रुपये कुटुंबीयांना सुपूर्द
मंडणगड, ता. २० ः मंडणगड तालुक्यातील वडवली गावचे सुपुत्र आणि विनोदी अभिनेते चंद्रकांत मोडकले यांचे २१ सप्टेंबर २०२२ ला आकस्मिक निधन झाले. त्यांना आदरांजली म्हणून त्यांच्या सहकारी टीमकडून नाट्यप्रयोग लावून तिकिटातून जमा झालेली २५ हजारांची रक्कम त्यांच्या कुटुंबीयांकडे सुपूर्द करण्यात आली. हा प्रयोग १२ फेब्रुवारीला बोरिवली येथील प्रबोधनकार ठाकरे नाट्यगृहात पार पडला.
आता उठवू सारे रान या नाटकातील त्यांची नाना भूमिका प्रेक्षकांनी डोक्यावर घेतली इतका सुंदर अभिनय त्यांनी करून लोकांना हसवलं होतं. घरकुटुंब सांभाळत कला जपणारे कोकणातील असंख्य कलाकार मुंबईत मनोरंजन कार्यक्रम सादर करतात. घरचा कर्ता कमावता असा अचानक निघून गेला या भावनेने ''आता उठवू सारे रान''चे लेखक दिग्दर्शक सुनील माळी यांनी सहकारी विणा कलामंचचे गोविंद गोरीवले आणि श्री गणेश कलामंचचे संपदा झिंगाडे यांनी पुढाकार घेत या आपल्या लाडक्या दिवंगत हास्य कलाकार मोडकले यांना कलेतून आदरांजली वाहण्यास ''गाडी चुकली.. आणि'' या नाट्यकृतीचे सादरीकरण रविवारी (ता. १२) फेब्रुवारीला बोरिवलीतील प्रबोधनकार ठाकरे लघुनाट्यगृहात झाले. तिकिटातून जमलेली रक्कम वडवली ग्रामस्थ मंडळाकडे सुपूर्द करताना संपदा झिंगाडे या नृत्य दिग्दर्शकिने आणि गोविंद गोरीवले, सुनील मांडवकर यांनी त्यांच्या सोबतच्या आठवणी जागवल्या. गोरीवले यांनी रचलेले आणि भाविनी सावंत हिने गायलेले गीते उपस्थितांना भावुक करून गेले. नाट्यकृती लेखक दिग्दर्शक सुनील माळी आणि कलाकार टीमने जबरदस्त उत्तम पार पाडली.