97865
सावंतवाडी ः मुस्लिम बांधवांना रमजान ईदच्या शुभेच्छा देताना अर्चना घारे-परब.

‘राष्ट्रवादी’तर्फे सावंतवाडीत
रमजान ईदच्या शुभेच्छा
सावंतवाडी ः शहरातील कादरी मशिद येथे राष्ट्रवादी काँग्रेसच्या कोकण विभाग महिला अध्यक्षा अर्चना घारे-परब यांनी सर्व मुस्लिम बांधवांना रमजान ईदच्या शुभेच्छा दिल्या. ईद-उल-फित्र अर्थात रमजान ईद हा सण सर्वत्र उत्साहात एकोप्याने व उत्साहाने साजरा केला जातो. या ईदच्या निमित्ताने समाजातील बंधुभाव, आपुलकी, समता वृद्धिंगत होवो, अशी सदिच्छा त्यांनी यावेळी व्यक्त केली. याप्रसंगी राष्ट्रवादी तालुकाध्यक्ष पुंडलिक दळवी, महिला निरीक्षक दर्शना बाबर-देसाई, महिला शहराध्यक्ष अँड सायली दुभाषी, हिदायतुल्ला खान, भाईजान आदी मुस्लिम बांधव उपस्थित होते.
.................
जामसंडेतील तरुणाचा आकस्मिक मृत्यू
देवगड ः जामसंडे-बेलवाडी येथील तरुणाचा मृतदेह तालुक्यातील वळीवंडे येथे आढळला. प्रदीप राजाराम अदम (वय ४२), असे त्याचे नाव आहे. ही घटना काल (ता. २१) सायंकाळी सातच्या सुमारास निदर्शनास आली. घटनेची येथील पोलिस ठाण्यात नोंद करण्यात आली आहे. याबाबत पोलिसांनी दिलेल्या माहितीनुसार, प्रदीप अदम मोलमजुरीची कामे करीत. वळीवंडे येथे ते मृतावस्थेत आढळले. याबाबतची माहिती त्यांच्या नातेवाईकांनी येथील पोलिसांना दिली. त्यानुसार पोलिसांनी आकस्मिक मृत्यू अशी नोंद केली. अधिक तपास पोलिस नाईक महेंद्र महाडिक करीत आहेत.
..............
लिंगडाळगावमधून विवाहिता बेपत्ता
देवगड ः तालुक्यातील लिंगडाळगाव लोकेवाडी येथील एक विवाहिता काल (ता. २१) सकाळपासून बेपत्ता झाली आहे. सुनीता राघो लोके (वय ४७) असे तिचे नाव आहे. याबाबत येथील पोलिस ठाण्यात नोंद करण्यात आली. याबाबत पोलिसांनी दिलेल्या माहितीनुसार, सुनिता लोके ही विवाहिता काल सकाळच्या सुमारास घरात कोणास काहीही न सांगता निघून गेली. तिचा सर्वत्र शोध घेऊन सापडली नसल्याने येथील पोलिसांना माहिती देण्यात आली. पोलिस हवालदार उदय शिरगावकर अधिक तपास करीत आहेत.