२७ (टुडे पान १ साठी)

विद्यार्थ्यांना मुख्यमंत्र्यांसोबत स्नेहभोजन

माझी शाळा सुंदर शाळा ; विजेत्याला मिळणार मान, कुटुंब, शिक्षकांचाही सहभाग

सकाळ वृत्तसेवा
राजापूर, ता. ५ ः मुख्यमंत्री माझी शाळा, सुदंर शाळा या उपक्रमांतर्गत शैक्षणिक घोषवाक्य आणि पालकांसमवेत मुख्यमंत्र्यांच्या संदेशपत्रांचा सेल्फी काढून तो दिलेल्या संकेतस्थळावर अपलोड करणाऱ्‍या प्रत्येक जिल्ह्यातील प्रथम क्रमांकाच्या विद्यार्थ्याला रोख बक्षिसासह थेट मुख्यमंत्र्यांसोबत स्नेहभोजन करण्याची सुवर्णसंधी मिळणार आहे. या विद्यार्थ्यालाच नव्हे तर त्याच्यासोबत त्याच्या कुटुंबातील अन्य तीन सदस्य आणि वर्गशिक्षकांनाही स्नेहभोजनाची संधी मिळणार आहे.
‘मुख्यमंत्री माझी शाळा, सुंदर शाळा’ या अभियानांतर्गंत मुख्यमंत्री एकनाथ शिंदे यांनी राज्यातील शाळकरी विद्यार्थ्यांना उद्देशून पत्र लिहिले आहे. या पत्राच्या माध्यमातून त्यांनी मुलांच्या शैक्षणिक गुणवत्तेवर प्रकाश टाकला आहे. राज्यातील सर्व विद्यार्थ्यांना गुणवत्तापूर्ण व दर्जेदार शिक्षण मिळावे हा मुख्यमंत्री माझी शाळा, सुंदर शाळा या अभियानाचा उद्देश आहे. विद्यार्थ्यांना स्वहस्ताक्षरातील घोषवाक्य आणि मुख्यमंत्री यांच्या संदेशपत्रासोबत पालकांसमवेत सेल्फी काढून तो फोटो शासनाच्या संकेतस्थळावर अपलोड करावा लागणार आहे. यासाठी राज्य शासनाने महासीएमलेटर डॉट इन हे संकेतस्थळ विकसित केले आहे. या उपक्रमांमधील सहभागी विद्यार्थ्यांमधून प्रत्येक जिल्ह्यातून प्रथम क्रमांकाच्या विद्यार्थ्याला रोख बक्षिस देण्यात येणार आहे. त्याच्यासह त्याच्या कुटुंबातील अन्य तीन सदस्य व वर्गशिक्षकांना मुख्यमंत्री यांच्या समवेत स्नेहभोजनाची संधी मिळणार आहे.