Novak Djokovic: जोकोविच आप्पाचा विषय लय हार्डए... विम्बल्डननेच शेअर केला मराठी गाण्यावर Video; एकदा पाहाच

थोडक्यात:विम्बल्डन २०२५ स्पर्धेच्या आधी जोकोविचचा व्हिडिओ सोशल मीडियावर शेअर करण्यात आला होता.या व्हिडिओमध्ये मराठी गाणं 'अप्पाचा विषय हार्ड' वापरण्यात आलं.या व्हिडिओने सोशल मीडियावर धुमाकूळ घातलाय..सर्बियाचा दिग्गज टेनिसपटू नोवाक जोकोविचने कारकिर्दीत अनेक मोठे विजय मिळवलेत. तो जगातील सध्याचा सर्वात यशस्वी टेनिसपटू आहे. पण गेल्या काही महिन्यांपासून तो फारशा लयीत दिसला नाही, त्यातच त्याला दुखापतींनी हेरलं आहे. नुकताच तो विम्बल्डन २०२५ स्पर्धेत सहभागी झाला होता. मात्र २३ वर्षांच्या यानिक सिनरकडून त्याला सेमीफायनलमध्ये पराभवाचा सामना करावा लागला. सातवेळच्या विम्बल्डन विजेत्या जोकोविचवर यंदाही सर्वांचेच लक्ष होते. मात्र, त्याला सेमीफायनलपर्यंतच धडक मारता आली..पप्पा किती वेळ झाला, चला निघा आता! सामना जिंकताच Novak Djokovic ला लेकीचा इशारा, Video Viral.तथापि, विम्बल्डन २०२५ सुरु होण्यापूर्वी त्यांच्या अधिकृत सोशल मीडियावर जोकोविचचा एक व्हिडिओ शेअर करण्यात आला होता, जो प्रचंड चर्चेत आला आहे. या व्हिडिओमध्ये जोकोविचच्या अनेक जुन्या सामन्यांमधील खेळाची झलक आहे. तसेच त्याने अनेकदा विम्बल्डन जिंकल्यानंतर गवताची चव चाखली आहे, त्याचीही झलक या व्हिडओमध्ये दिसत आहे. विशेष म्हणजे या व्हिडिओच्या बॅकग्राऊंडला 'अप्पाचा विषय हार्ड' हे मराठी गाणं वाजताना ऐकू येत आहे..या व्हिडिओच्या कॅप्शनमध्येही 'जोकोविच चा विषय लय हार्ड आहे', असं लिहिलं आहे. जोकोविचच्या व्हिडिओला मराठी गाणं वाजत असल्याने त्याची बरीच चर्चा झाली असून त्यावर अनेकांनी कमेंट्सही केल्या आहेत. प्रसिद्ध गायक अभिजीत सावंतनेही यावर कमेंट केली आहे. 'अप्पाचा विषय हार्ड' हे गाणं मिळालेल्या माहितीनुसार, युट्युबवर वरदान या चॅनेलवर प्रदर्शित झालं होतं. त्याचे गायक अक्षय गरडकर आहे. हे गाणं गेल्या काही महिन्यात प्रचंड ट्रेंडमध्ये होतं. त्यावर अनेकांनी सोशल मीडियावर रिल्सही बनवल्या होत्या. या रिल्स व्हायरलही झाल्या होत्या..जोकोविचचे ग्रँडस्लॅम विजेतीपदंजोकोविचने त्याच्या दोन दशकांच्या कारकिर्दीत एकेरीची तब्बल २४ ग्रँडस्लॅम विजेतीपदं जिंकली आहेत. तो एकेरीत २४ ग्रँडस्लॅम जिंकणारा पहिला आणि सध्या एकमेव पुरुष टेनिसपटू आहे. त्याने ७ वेळा विम्बल्डन, १० वेळा ऑस्ट्रेलियन ओपन, ४ वेळा अमेरिकन ओपन आणि ३ वेळा फ्रेंच ओपन, असे एकूण २४ ग्रँडस्लॅम जिंकले आहेत.जोकोविचने नुकतेच मे महिन्यात जिनेव्हा ओपन स्पर्धा जिंकत त्याचे १०० वी एटीपी टूर ट्रॉफी जिंकली होती. तो १०० एटीपी टूर ट्रॉफी जिंकणारा केवळ तिसराच पुरुष खेळाडू आहे. यापूर्वी फक्त जिमी कोनोर्स (१०९ ट्रॉफी) आणि रॉजर फेडरर (१०३ ट्रॉफी) यांनीच असा कारनामा केला होता..दरम्यान गेल्या दोन ग्रँडस्लॅम स्पर्धेत जोकोविचसाठी यानिक सिनर मोठा अडथळा ठरला आहे. त्याने फ्रेंच ओपन २०२५ आणि विम्बल्डन २०२५ या दोन्ही स्पर्धेत जोकोविचला सेमीफायनलमध्ये पराभूत केले आहे. याचदरम्यान, जोकोविचने निवृत्तिचेही संकेत दिले आहेत. त्यामुळे आता यापुढे कितीकाळ जोकोविच टेनिस खेळताना दिसणार आहे, हे पाहावे लागणार आहे. टेनिसमध्ये बीग थ्री ज्यांना म्हटले जाते, त्यातील रॉजर फेडरर आणि राफेल नदाल यांनी निवृत्ती घेतली आहे. पण अद्याप तरी जोकोविच सक्रिय टेनिस खेळत आहे..Wimbledon 2025 : अल्काराझ-सिनरमध्ये जेतेपदाची झुंज; फ्रेंच ओपन अंतिम फेरीची पुनरावृत्ती, नोवाक जोकोविच गारद .FAQs.जोकोविचच्या व्हिडिओमध्ये कोणते मराठी गाणं वापरलं गेलं?‘अप्पाचा विषय हार्ड’ हे मराठी गाणं वापरलं गेलं आहे..जोकोविच विम्बल्डन २०२५ मधून का बाद झाला?त्याला यानिक सिनरकडून सेमीफायनलमध्ये पराभव स्वीकारावा लागला..जोकोविचचे एकूण किती ग्रँडस्लॅम विजेतेपदं जिंकली आहेत?त्याने एकूण २४ ग्रँडस्लॅम विजेतेपदं जिंकली आहेत..जोकोविच निवृत्ती घेणार का?जोकोविचने फ्रेंच ओपन २०२५ नंतर निवृत्तीबद्दल सूचक विधान केलं होतं. त्यामुळे त्याबद्दल चर्चेला उधाण आले आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Novak Djokovic: जोकोविच आप्पाचा विषय लय हार्डए... विम्बल्डननेच शेअर केला मराठी गाण्यावर Video; एकदा पाहाच

Related Stories