15052

नवरात्रोत्सवानिमित्त तळेरेत कार्यक्रम
तळेरे ः तळेरे-वाघाचीवाडी येथील श्री शेवरादेवी कला, क्रीडा, शैक्षणिक आणि सांस्कृतिक मंडळातर्फे दरवर्षीप्रमाणे नवरात्रोत्सव उत्साहात साजरा करण्यात येणार आहे. त्यानिमित्त विविध सांस्कृतिक कार्यक्रम आणि स्पर्धांचे आयोजन केले आहे. गुरुवारी (ता. ३) वाघाचीवाडी येथे देवीच्या मूर्तीची प्रतिष्ठापना होईल. उत्सव कालावधीत रास गरबा, दांडिया, फुगडी, वेशभूषा स्पर्धा, पैठणी असे कार्यक्रम होणार आहेत. विजेत्यांना बक्षिसे देण्यात येतील. अष्टमी दिवशी धार्मिक कार्यक्रमाचे आयोजन केले आहे. दररोज देवीची पूजा, आरती आणि इतर कार्यक्रम होणार आहेत. दुर्गादेवीचे विजयादशमीच्या दुसऱ्या दिवशी विसर्जन करण्यात येणार आहे. या सर्व कार्यक्रमांना उपस्थित राहण्याचे आवाहन केले आहे.