- rat7p2.jpg-
24N30059
संकेता सावंत

तायक्वांदो स्पर्धेसाठी
संकेता सावंत पंच
सकाळ वृत्तसेवा
रत्नागिरी, ता. ७ ः गोवा येथे होणाऱ्या चौथ्या राष्ट्रीय तायक्वांदो स्पर्धेसाठी महाराष्ट्रातून संकेता सावंत यांची पंच म्हणून निवड करण्यात आली आहे. तायक्वांदो असोसिएशन ऑफ इंडियाच्या मार्गदर्शनाखाली गोवा तायक्वांदो असोसिएशनच्या सहकार्याने तायक्वांदो अॅकॅडमी ऑफ वास्को आयोजित ही स्पर्धा पेडम स्पोर्ट्स कॉम्प्लेक्स इनडोर स्टेडियम पेडम म्हापसा गोवा येथे तीन दिवस होणार आहे.
खुल्या राष्ट्रीय तायक्वांदो स्पर्धेसाठी देशाच्या विविध राज्यातून केलेल्या पंच निवडीमध्ये महाराष्ट्रातून रत्नागिरी जिल्ह्यातील संकेता सावंत हिची निवड करण्यात आली आहे. तिचे अभ्युद्यनगर बहुउद्देशीय सभागृहात स्पोर्ट्स तायक्वांदो असोसिएशनच्या मान्यतेने तायक्वांदो प्रशिक्षण केंद्र सुरू आहे. सर्व मुलामुलींना या ठिकाणी प्रशिक्षणाची संधी उपलब्ध आहे. संकेताची निवड झाल्याबद्दल तायक्वांदो असोसिएशन ऑफ महाराष्ट्रचे अध्यक्ष डॉ. अविनाश बारगजे, सचिव मिलिंद पाठारे, खजिनदार व्यंकटेशराव कररा, विश्वदास लोखंडे, सचिव लक्ष्मण कररा, शशांक घडशी, मिलिंद भागवत, शाहरूख शेख, राम कररा, प्रशांत मकवाना यांनी अभिनंदन केले.