महिला सक्षम असल्यामुळे
अनेक क्षेत्रात सरसः कळंबटे
लायन्स क्लबतर्फे महिला मेळावा
सकाळ वृत्तसेवा
पाली, ता. २३ः ग्रामीण भागातील महिलांनी आपले हक्क व हक्कांबरोबरच आपली कर्तव्ये ही जाणून घेत आपली प्रगती केली पाहिजे. आताच्या काळात मुलगा, मुलगी हा भेदभाव नको. तरीही समाजातील सर्वचस्तरात हा भेदभाव दिसून येत असून तो संपवण्यासाठी जनजागृती होणे आवश्यक आहे. आज अनेक क्षेत्रात महिला सक्षम असल्यामुळे अधिक सरस ठरत आहेत. मुलींच्या जन्माचे स्वागत केले पाहिजे, असे प्रतिपादन श्रद्धा कळंबटे यांनी केले.
लायन्स क्लब ऑफ हातखंबाने नाणीज शाळा, गावडेवाडी, गुरव-शिवगणवाडी या तिन्ही शाळांनी संयुक्तपणे आयोजित केलेल्या महिला मेळाव्यात त्या बोलत होत्या. या वेळी लायन्स क्लब ऑफ हातखंबा रॉयलचे अध्यक्ष ॲड. अवधूत कळंबटे, निशा बेंडल, रिद्धी हतपले, नियती गावडे, चैत्राली भाटकर, मुग्धा रेवाळे, उमेद बचत गटांच्या अध्यक्षा माधुरी कांबळे, मुख्याध्यापक स्मिता पाटील ,वैष्णवी शिवगण, विजय पर्वते आदी उपस्थित होते. याप्रसंगी एक किंवा दोन मुलींवर कुटुंब नियोजन शस्त्रक्रिया केलेल्या महिलांचा सन्मानपत्र देऊन गौरव करण्यात आला.