- rat२८p३३.jpg-
२५N६०५०२
गुहागर ः येथील आगाराला मिळालेल्या नवीन एसटी बसचे लोकार्पण करताना आमदार भास्कर जाधव.
----
गुहागर आगारास पाच एसटी बस
प्रवाशांची गैरसोय दूर ; आमदार जाधव यांचा पाठपुरावा
सकाळ वृत्तसेवा
गुहागर, ता. २९ ः आमदार, शिवसेना नेते व विधीमंडळ गटनेते भास्कर जाधव यांनी गुहागर आगारामध्ये मंजूर केलेल्या एकूण दहा गाड्यांपैकी नवीन पाच एसटी बस नागरिकांच्या सेवेसाठी गुहागर आगार येथे दाखल झाल्या आहेत. आमदार जाधव यांच्या हस्ते त्याचे लोकार्पण करण्यात आले.
गुहागर आगारात झालेल्या या कार्यक्रमाला उबाठा शिवसेना पक्षाचे तालुकाप्रमुख सचिन बाईत, ज्येष्ठ शिवसैनिक विनायक मुळे, गुहागर पंचायत समिती माजी नगराध्यक्ष जयदेव मोरे, स्नेहा वरंडे, माजी जिल्हा परिषद सदस्य प्रवीण ओक, गुहागर पंचायत समिती माजी सभापती सुनील पवार, विलास वाघे, मनसे उपजिल्हाध्यक्ष विनोद जानवळकर, कृपा हेअर टॉनिकचे मालक राजेंद्र दळी, सिद्धिविनायक रिसॉर्टचे मालक व युवा कार्यकर्ते प्रशांतशेठ विचारे आदी उपस्थित होते. या वेळी आमदार जाधव यांच्या हस्ते नवीन एसटीच्या गाड्यांचे पूजन करण्यात आले. लोकार्पण सोहळा पार पडल्यानंतर जाधव यांनी एसटीच्या नवीन गाडीमध्ये बसून गुहागर आगाराच्या आवारात एसटी चालवण्याचा आनंद घेतला. तसेच सर्व कार्यकर्त्यांनी गुहागर एसटी बसस्थानक ते मोडका आगरपर्यंतचा प्रवास केला.
---