63462

दिव्य ज्योती स्कूलचा
१०० टक्के निकाल

बांदा, ता. १३ ः दिव्य ज्योती स्कूल डेगवे प्रशालेचा दहावीचा माध्यमिक प्रमाणपत्र परीक्षेचा निकाल १०० टक्के लागला. परीक्षेसाठी प्रशालेतून एकूण ३६ विद्यार्थी प्रविष्ट झाले होते. पैकी ३३ विद्यार्थी विशेष योग्यता श्रेणीत, तर ३ विद्यार्थी प्रथम श्रेणीत उत्तीर्ण झाले. क्लिन्टन फर्नांडिस याने ९८ टक्के गुण मिळवत प्रशाळेतून तसेच बांदा केंद्रातून प्रथम येण्याचा मान पटकावला. वेदिका माने (९५ टक्के) हिने दुसरा तर डेरेन फर्नांडिस (९४.८०) याने तृतीय क्रमांक पटकावला. प्रशालेचे मुख्याध्यापक फादर रॉबिन, मॅनेजर फादर लिजो, शिक्षक-पालक समिती अध्यक्षा रुपा शिरसाट, सर्व शिक्षक, शिक्षकेतर कर्मचारी, पालक, विद्यार्थ्यांनी यशस्वी विद्यार्थ्यांचे अभिनंदन केले.