64163

कबुलायतदार प्रश्न
मार्गी लावू ः शिंदे

सावंतवाडी, ता. १६ ः आंबोली चौकुळ जिल्हा परिषद मतदारसंघाचे नेतृत्व करणारे शिंदे शिवसेनेचे नेते दिनेश गावडे यांनी गुरुवारी (ता. १५) कणेरी येथील श्री क्षेत्र सिद्धगिरी मठात उपमुख्यमंत्री व शिवसेना पक्षप्रमुख एकनाथ शिंदे यांची भेट घेऊन त्यांचे पुष्पगुच्छ देऊन स्वागत केले. यावेळी उपमुख्यमंत्री शिंदे यांनी चौकुळ गावचा कबुलायतदार गावकर प्रश्न लवकरच निकाली काढू, असे आश्वासन दिले.
उपमुख्यमंत्री शिंदे यांनी कोल्हापूर येथील कणेरी मठाची पाहणी केली. तसेच काडसिद्धेश्र्वर महाराजांची भेट घेतली. यावेळी श्री. गावडे यांनी आंबोली चौकुळ गावच्या विविध प्रश्रासंबंधी त्यांच्याशी चर्चा केली. उपमुख्यमंत्री शिंदे यांनी स्थानिक आमदार दीपक केसरकर यांच्याशी चर्चा करून हा प्रश्र लवकरात निकाली काढू, असे आश्वासन दिले. दरम्यान, उपमुख्यमंत्री शिंदे यांनी कबुलायतदार प्रश्‍नाची दखल घेतल्याने हा प्रश्‍न सुटेल, अशी आशा आंबोली चौकुळवासीयांना आहे.