- ratchl२०१.jpg -
२५N६५०९३
चिपळूण ः बुद्धविहाराच्या उद्‍घाटनप्रसंगी मान्यवर.
--------------
महाबोधी बुद्धविहाराचे उदघाटन
सकाळ वृत्तसेवा
चिपळूण, ता. २० ः चिपळूण तालुका बौद्धजन हितसंरक्षक समिती संलग्न बौद्धजन सेवा संघ तुरंबवतर्फे महाबोधी बुद्धविहाराचे उद्‍घाटन दिमाखात झाले. यानिमित्त भगवान गौतम बुद्ध व डॉ. बाबासाहेब आंबेडकर यांच्या पुतळ्याची मिरवणूक काढण्यात आली. मिरवणुकीत गावातील सर्व समाजातील बांधव मोठ्या संख्येने सहभागी झाले होते. या मिरवणुकीचे ठिकठिकाणी स्वागत करण्यात आले. महाबोधी बुद्धविहाराचे उद्‍घाटन जमीन देणगीदार मनीषा प्रभाकर मोहिते व मनीषा बापू मोहिते यांच्या हस्ते करण्यात आले. बुद्धमूर्ती आणि डॉ. बाबासाहेब आंबेडकरांच्या पुतळ्याचे अनावरण सचिन खैरे व चंद्रकांत सावंत यांच्या हस्ते करण्यात आले.
या वेळी अध्यक्ष दीपक तांबे, अदीप मोहिते, अरुण पवार, माजी गटविकास अधिकारी अरुण जाधव, संदीप तांबे, शारदादेवी ट्रस्टचे अध्यक्ष प्रमोद पंडित, कवी संदेश सावंत, मुंबई मंडळाचे सरचिटणीस धर्मदास मोहिते, वहाळ विभागाचे उपाध्यक्ष राजेंद्र मोहिते आदी उपस्थित होते. कार्यक्रमात महाबोधी बुद्धविहारासाठी मदत करणाऱ्या, देणगी देणाऱ्या सर्व देणगीदारांचा, जमीन देणगीदारांचा तसेच विविध प्रकारे मदत करणाऱ्यांचा सत्कार करण्यात आला.