जिल्हाधिकारी कार्यालयात
सोमवारी लोकशाही दिन
सिंधुदुर्गनगरी, ता. २९ ः जून महिन्यातील लोकशाही दिन हा महिन्याच्या पहिल्या सोमवारी (ता. २) दुपारी १ ते २ या वेळेत जिल्हाधिकारी कार्यालयात राबविण्यात येणार असल्याची माहिती सामान्य प्रशासन विभागाचे उपजिल्हाधिकारी (सा.प्र.) बालाजी शेवाळे यांनी दिली.
..................
नागरी संरक्षण स्वयंसेवक
पद भरतीसाठी आवाहन
सिंधुदुर्गनगरी, ता. २९ ः उपनियंत्रक नागरी संरक्षण कार्यालयाच्या अधिपत्याखाली असलेल्या सर्व तालुक्यांमध्ये रिक्त असलेली मानसेवी सदस्य पदांची भरती करण्यासाठी स्वयंसवेक नोंदणी कार्यक्रम २ ते १२ जून कालावधीत सकाळी १० वाजता उपनियंत्रक नागरी संरक्षण कार्यालय जिल्हाधिकारी कार्यालय सिंधुदुर्गनगरी तसेच जिल्हा समादेशक होमगार्ड कार्यालय व प्रशिक्षण केंद्र सिंधुदुर्गनगरी (ओरोस) सिडको भवन येथे आयोजित करण्यात आला आहे. जिल्ह्यातील पुरुष, महिला प्रवर्गांनी नवीन सदस्य नोंदणीसाठी उपस्थित रहाण्याचे आवाहन जिल्हा समादेश होमगार्ड तथा अपर पोलिस अधीक्षक कृषिकेश रावले यांनी केले आहे. निवड होऊन पात्र ठरलेले उमेदवार हे वेतनी सेवत असल्यास कार्यालयाचे अथवा मालकाचे नाहरकत प्रमाणपत्र, माजी सैनिक अथवा एनसीसी प्रमाणपत्र धारक व इतर अन्य तपशिलाच्या पृष्ट्यर्थ सर्व संबंधित प्रमाणपत्रे सादर करणे बंधनकारक राहील. उमेदवारास नोंदणीच्या वेळी स्वखर्चाने यावे लागेल. तसेच नोंदणीच्या वेळी कोणत्याही अपघाती घटना घडल्यास त्याची जबाबदारी संबंधित उमेदवाराची राहील. अधिक माहितीसाठी संपर्क करावा, असे आवाहन करण्यात आले आहे.
....................