-rat५p१३.jpg -
P२५N६८२७४
वरिष्ठ श्रेणी शिक्षकांसाठी आयोजित प्रशिक्षणावेळी मार्गदर्शन करताना प्रा. प्रभात कोकजे.

यश टिकवणं महाकठीण...
प्रा. प्रभात कोकजे ः वरिष्ठ श्रेणी शिक्षकांसाठी प्रशिक्षण
सकाळ वृत्तसेवा
रत्नागिरी, ता. ५ ः हार आणि जीत ही होतच असते. यश-अपयश या दोन्ही गोष्टी पचवण्याची ताकद खऱ्या अर्थाने विद्यार्थ्यांमध्ये निर्माण करण्याची जबाबदारी शिक्षकांवर आहे. कारण, अपयश पचवणं कठीण आहेच; पण यश टिकवणं हे महाकठीण आहे. हे विद्यार्थ्यांच्या मनावर बिंबवलं पाहिजे, असे मत सुलभक प्रा. प्रभात कोकजे यांनी व्यक्त केले.
रत्नागिरी येथे फाटक हायस्कूलमध्ये सुरू असलेल्या वरिष्ठ श्रेणी प्रशिक्षणात कला, क्रीडा, माध्यमिक व उच्च माध्यमिक शिक्षकांना मार्गदर्शन करताना बोलत होते. या वेळी ते म्हणाले, शिक्षकाने निवडलेली अध्यापन पद्धतीही वर्गातील शिक्षणप्रक्रिया सहज, आनंददायी होण्यास कारणीभूत असते. यासाठी शिक्षकांना अध्ययन आणि अध्यापन पद्धतीमधील फरकाची जाणीव असणे महत्त्वाचे आहे. शिक्षक विद्यार्थ्यांना वर्गात माहिती देत असतो. ती माहिती तो विद्यार्थी वापरतो तेव्हा त्या माहितीचे रूपांतरण ज्ञानात होते. त्यामुळे शिक्षकाची भूमिका ही अतिशय महत्त्वाची आहे. विद्यार्थ्यांना आवडेल अशा विविध प्रसंगांची निर्मिती शिक्षकांनी वर्गात करायला हवी जेणेकरून अध्ययन अध्यापन प्रक्रियेप्रभावी होऊ शकेल.