रत्नागिरीतील दोन्ही संघांची
ब्रिज स्पर्धेत चमकदार कामगिरी
रत्नागिरी, ता. १० : राज्यस्तरीय ओपन डुप्लिकेट ब्रिज स्पर्धेत रत्नागिरीच्या श्री मॅंगो आणि रत्नागिरी या दोन्ही संघांनी अतिशय बहारदार खेळ केला. या स्पर्धेत एकूण २१ संघ सहभागी झाले होते. त्यामधून सहा संघ बक्षिसपात्र ठरले. त्यामध्ये श्री मॅंगो संघाने सहावा क्रमांक पटकावला तर रत्नागिरी संघाने सातवा क्रमांक पटकावला. श्री मॅंगो संघात मोहन दामले, अभय लेले, अभय पटवर्धन, माधव आगाशे आणि विनायक मुळ्ये यांचा समावेश होता. रत्नागिरी संघामध्ये चिंतामणी दामले, सचिन जोशी, रामचंद्र सोहोनी आणि सचिन मुळ्ये यांचा समावेश होता. या संघाचे बक्षिस थोडक्यात हुकले व त्यांना सातव्या क्रमांकावर समाधान मानावे लागले. या दोन्ही संघांनी अतिशय चमकदार कामगिरी केल्याबद्दल असोसिएशनने त्यांचे कौतुक केले आहे.