rat15p10.jpg
70715
रत्नागिरीः ‘रोटरी स्नेहसेवा वैद्यकीय उपकरणे बँक’ लोकार्पण सोहळ्याला उपस्थित मान्यवर.
----------

रोटरी स्नेहसेवा वैद्यकीय
उपकरण बँकेचे लोकार्पण
गरजू रुग्णांना मोफत साहित्य
रत्नागिरी, ता. १५ः रोटरी क्लब ऑफ रत्नागिरी या सामाजिक सेवा करणारा संस्थेने अनेक लोकोपयोगी सेवा देणारे उपक्रम राबवले असून त्यापैकी अजून एक महत्वाकांक्षी रोटरी स्नेहसेवा वैद्यकीय उपकरण बँकेचा लोकार्पण सोहळा नुकताच झाला.
रत्नागिरीमधील गरजू रुग्णांना अत्याधुनिक वैद्यकीय उपकरणे, ऑक्सिजन कॉन्सेंट्रेटर मशीन, व्हीलचेअर, वॉकर, रुग्णांचे बेड, एअर बेड अशी अनेक वैद्यकीय उपकरणे या बँकेमधून वापरासाठी घरी घेऊन जाता येणार आहेत. या उपक्रमामुळे ग्रामीण व शहरी भागातील गरजू व गरीब रुग्णांची मोठी सोय होणार आहे. राजेंद्र घाग, शाल्मली आंबुलकर यांचा हस्ते वैद्यकीय उपकरणे बँकचे उदघाटन झाले. या वेळी रोटरी क्लबचे अध्यक्ष रूपेश पेडणेकर, अॅड. मनिष नलावडे, विनायक हातखंबकर, प्रमोद कुलकर्णी, रोहित वीरकर, परेश साळवी, सचिन मुकादम, राकेश घाणेकर, आनंद चौगुले उपस्थित होते. रोटरी स्नेहसेवा वैद्यकीय उपकरणे बँक ही सुखकर्ता बंगला, गुरुमळी रोड, गोडाऊन स्टॉप रत्नागिरी येथे सुरू केली आहे.