अभिनेते अनासपुरे यांच्याकडून
आंबेडकर वाचनालयाला पुस्तके
सकाळ वृत्तसेवा
चिपळूण, ता. १६ ः अभिनेते अनासपुरे यांनी रौप्यमहोत्सवी वर्ष साजरे करत असलेल्या भारतरत्न डॉ. बाबासाहेब आंबेडकर वाचनालयाला पुस्तक भेट दिली. आपल्या विविध ठिकाणच्या प्रवासामध्ये नेहमी पुस्तक वाचण्याच्या छंदामुळे मकरंद अनासपुरांच्या संग्रहात अनेक पुस्तके जमा झाली आहेत. स्वतःसाठी ग्रंथालय करून त्यातील काही पुस्तके विद्यार्थी किंवा वाचनालयांना देण्यात यावी, अशी इच्छा त्यांनी आपले चिपळूणमधील सहकारी समीर जानवलकर यांना बोलून दाखवली होती. त्याप्रमाणे जानवलकर यांनी ती पुस्तके आंबेडकर वाचनालयात आणून दिली.
या वेळी राजेश्वर देशपांडे, कार्यवाह सुमेध करमरकर, संचालक प्रदीप पवार, मंजूषा चितळे, सल्लागार विनायक ओक, बाळकृष्ण चव्हाण, ग्रंथपाल तेजश्री सोमण व कर्मचारी उपस्थित होते. वाचनालयाचे कार्याध्यक्ष सुनील खेडेकर यांनी प्रास्ताविक केले व वाचनालयाचे अध्यक्ष राष्ट्रपाल सावंत यांनी स्वागत केले.
---