swt195.jpg
71713
हिंदळे : येथील मोर्वे भागात डोंगर उताराचे पाणी रस्त्यावर येऊन गाळ साचला आहे.

हिंदळे-मोर्वे रस्त्यालगत
गटार खोदाईची मागणी
सकाळ वृत्तसेवा
देवगड, ता. २० : तालुक्यातील हिंदळे मोर्वे परिसरात डोंगर उतारावरील पावसाचे पाणी रस्त्यावर येत असल्याने परिसरातील ग्रामस्थांना त्याचा त्रास सहन करावा लागत आहे. यासाठी रस्त्यालगत गटारी खोदाई करण्याची ग्रामस्थांची मागणी आहे. डोंगराळ भागातून वाहणाऱ्या पाण्यासोबत कचरा, माती, दगड रस्त्यावर येत असल्याने परिसरातील ग्रामस्थांना त्याचा त्रास सहन करावा लागत असल्याचे सांगण्यात येत आहे. पाण्यामुळे आवार भिंतीना धोका पोहोचू शकतो, असे ग्रामस्थांचे म्हणणे आहे. याबाबत आवश्यक कार्यवाही करण्यात यावी, अशी मागणी करण्यात येत आहे.
....................
swt196.jpg
N71714
परुळेबाजार ः ग्रामपंचायतीला सहाय्यक आयुक्त डॉ. मनीषा देवगुणे यांनी भेट दिली.

परुळेबाजार ग्रामपंचायतीची
सहायक आयुक्तांकडून पाहणी
सकाळ वृत्तसेवा
म्हापण, ता. २०ः कोकण विभाग सहाय्यक आयुक्त डॉ. मनीषा देवगुणे आणि त्यांच्या अधिकारी वर्गाने ग्रामपंचायत परुळेबाजार येथे भेट दिली. पंचायत समिती वेंगुर्लेची पंचवार्षिक तपासणी अंतर्गत परुळेबाजार ग्रामपंचायत तपासणी करण्यात आली. यावेळी सहाय्यक आयुक्त डॉ. मनीषा देवगुणे, विस्तार अधिकारी राजू धनगर, श्री. दावर याचबरोबर आरोग्य, शाळा, अंगणवाडी, पशुवैद्यकीय विभागाचे कोकण विभागीय विस्तार अधिकारी उपस्थित होते. वेंगुर्ले पंचायत समिती गटविकास अधिकारी दिनेश पाटकर यांसह सर्व विभागांचे विस्तार अधिकारी उपस्थित होते. यावेळी अधिकाऱ्यांनी परुळे आरोग्य केंद्र, शाळा परुळे क्र.३, अंगणवाडी कर्ली येथे भेट देत तपासणी केली. समितीचे स्वागत परुळेबाजार सरपंच प्रणिती आंबडपालकर, उपसरपंच संजय दुधवडकर, सदस्य प्रदीप प्रभू, ग्रामपंचायत अधिकारी शरद शिंदे यांनी केले. या समितीकडून सर्व विभागाचा आढावा घेण्यात आला. यावेळी परुळे बाजार ग्रामपंचायत राबविलेल्या विविध उपक्रमांची माहिती घेण्यात आली.